嗰一晚，我用口罩搞咗個人妻: 點會蝕本

林太那「危險期」三個字纏擾着阿賢，弄得他幾乎整晚都睡不着，第二天上班又再出錯連連。「喂，你日日都心神恍惚咁，打得太多飛機呀？」老闆凌哥問。「冇呀……」阿賢沒精打采地說。「原來係冇打飛機，唔怪之得頭先明明荷蘭威話要必利勁，你就賣咗盒日本硬起力人哋！個差價你人工度扣！」凌哥氣道。

「哦……」阿賢托着頭放空答道。凌哥見平日一定求饒的阿賢，居然「哦」了一聲便算，便摸了一下他的額頭後說：「大鑊喇，你條友係咪谷精上腦呀？」「老細，我想問你有冇試過……都係冇嘢喇。你頭先同我講乜話？」阿賢撥開凌哥的手問。「冇事冇事，出糧嘅時候你就知喇。」凌哥搖了搖頭便走開了。

阿賢放工回家，又走到四樓林太門口，想敲門看看林太回來了沒有，怎料住在對面單位的陳太突然開門，見到阿賢便說：「咦？你搵林太呀？唔使搵佢喇，今日佢至同幾個工人嚟搬嘢走，佢話以後都唔返嚟喇。」阿賢答道：「吓，走得咁突然嘅，我仲諗住拎盒口罩畀佢添。」然後茫然地回家去。

雖然無啦啦一盒口罩弄出一段霧水緣，但怎說林太也是阿賢當日的打飛機女神，突然失去了她的蹤影，心情總是有點難過。不過，這種坐不安，食無味的日子只是過了三天，阿賢又恢復昔日神采。

「老細，你入咁多口罩，家陣人影都冇個，今鋪好大鑊喎。」阿賢說。凌哥笑道：「傻仔，啲人以為今次藥房入多咗貨，蝕硬喎。其實之前賺咗咁多，夠晒皮，多出嚟嘅貨咪由得佢囉，反正有排都唔入貨就得。一係咁，你賣到幾多盒就拆啲佣畀你，點睇？」阿賢興奮地說：「係又唔拘呀！點拆法先？咦？又係你呀，荷蘭威。」



荷蘭威，年約五十，名字中無個威字，又從沒去過荷蘭，但因鍾意認威而得此花名。荷蘭威笑淫淫地跟阿賢說：「賢哥，尋日同你買咗盒嘢，返去至發覺都唔係我買開嗰隻，你尋日畀我嗰盒叫硬起力。當時我諗死啦呢鋪，因為盒嘢係幫我老細買嘅，而佢平時又係食開必利勁，好彩我發覺佢平時唔睇盒就開嚟食，咁咪膽粗粗搏一鋪囉。點知老細今朝同我講，佢話盒嘢雖然唔係之前嗰隻，但勁掂！尋晚連做三鑊，堅！佢仲話有廿幾年都冇咁堅。喂，畀多幾盒我，自用同畀老細都好吖。」凌哥搶着說：「乜嘢畀呀，一手交錢一手交貨。」荷蘭威連說幾聲好後便付錢取貨。

＜待續……＞