因為前世一個承諾，令我今世三十歲都仲係青頭仔: （23）

三層嘅獨立屋有兩層被燒成灰燼，間屋變成咁，路過嘅街坊見到，都感到出奇，不禁望多兩眼。

我望住橙黃色嘅天空，呢一刻心入面依然無法相信，一招咁勁抽嘅炎殺黑龍波，居然都係破唔到貞操力場。

莫非真係如欣欣條八婆所講，宿命係無法打破，凡人只能向命運低頭？

「呼~」

一陣涼風吹過，揚起地上嘅灰燼。





垂頭沮喪嘅我見到啲細微嘅灰塵，穿過手掌上嘅指嚹。

忽然之間，靈光一閃，俾我諗到一條好橋！

「傑傑！」

呢個時候，Samuel突然嗌我：「你快啲過嚟睇下，Lily佢暈左，叫極都無反應呀！」

我即刻行過去睇下，結果正如Samuel所講，Lily攤喺床上昏迷不醒。





我地擔心佢係病發，所以第一時間送佢去醫院。

經過三十分鐘車程後，我地嚟到左醫院。

望住Lily被送入急症室，我突然諗起一句古老嘅諺語：閻王要你三更死，不許留人到五更。

一個人嘅生死唔通真係冥冥中早已註定？

Lily真係命中註定過唔到三十歲？





過左短短十分鐘，醫生就從急症室行出嚟。

「你地係病人嘅朋友？」佢問。

「係呀。」我同Samuel回答，跟住就問佢Lily嘅情況。

「病人只係輕微中暑，所以剛才先會短暫昏迷，依家佢已經醒返。」

「下？中暑？」

「係呀，今日天氣明明都幾清涼，無啦啦咁都會中暑。」

我心諗實係炎殺黑龍波溫度太高，熱到佢暈q左。

「居然未死得，睇嚟我仲未夠鐘。」Lily從急症室慢慢行出嚟。





見到對方仲行得走得，我同Samuel都鬆左一口氣。

「醫生，我係咪走得架啦？」Lily問醫生。

「小姐，剛才我地翻查過你嘅病歷，發現你腦入面有個腫瘤，雖然我知呢個病暫時無得醫，不過企喺醫生嘅立場，我都建議你留院休息，唔好周圍去。」醫生對Lily講。

「唔啦，要等死我都去第度，點都唔會留喺醫院啦。」Lily講完，就頭也不回轉身走人。

我地離開醫院後，就揾左間日本餐廳食晚飯。

當大家坐低，啲嘢食又上齊曬，我食住壽司，分享不久前諗到嘅一個，破解貞操力場嘅新橋。

二人聽完我嘅講解，不約而同話：「下？得唔得架？」





「傑傑，咁好冒險架喎，萬一分解完組合唔返出嚟，咁你咪變…變太監？」Samuel話。

「係囉，呢個方法都幾大風險，同埋應該唔容易執行。」Lily食一塊魚生講。

「頭先炎殺黑龍波反彈嗰陣，我地都爭啲無命，呢個方法比起出波，已經算完全無危險，而且就算有風險都係我一個人承擔，所以我覺得可以一試。」

「既然你覺得值得一試，咁我都唔會反對嘅，不過你知啦，我依家最多得返一個禮拜命，如果再唔得，可能我要考慮轉人。」Lily話。

「轉人？咩意思？」我問。

「我諗諗下，拗直Samuel嘅可能性，可能仲大過你隊穿道力場。」Lily似乎想放棄我，改為集Samuel郵，嚟達成自己最後嘅心願。

「閘住！你諗都唔好諗呀！我唔鐘意女人架！」Samuel即刻坐開少少。

除此之外，Samuel驚我「細佬」不保，唔建議我冒險。





只不過，我覺得呢條橋應該會掂，因此點都想試一次。

而成條橋其實好簡單，就係將賓周分解成肉眼睇唔到嘅粒子，然後喺Lily陰道入面重組，以此穿破貞操力場嘅阻擋。