因為前世一個承諾，令我今世三十歲都仲係青頭仔: （22）
「Just use your imagination， oh oh
Just use your imagination, oh oh」
屋企嘅Hi-Fi播放緊Foster The People嘅Imagination。
聽住音樂，我苦苦沉思，諗緊點樣將想象力發揮到最盡，從而突破道貞操力場。
到目前為止，我試過將賓周變成各種武器，例如電鑽、機關槍、電鋸、斧頭、激光劍等等，但無一樣能夠成功消滅力場。
「唔好諗啦傑傑，根本大師嘅意思就係叫你打破舊有思想，然後轉gay，你都係乖乖地聽大師話啦。」
「頂你，你可唔可以講返啲有建設性嘅說話？」我對Samuel講。
「頂我？係就好啦！」
我無佢咁好氣，喺電視開個Netflix出嚟：「我真係保你大，麻煩你咪再出聲，你係食完早餐無嘢做嘅話，就靜靜地睇下劇啦下。」
開個界面出嚟，諗住求其開套劇，揾揾下發現，乜原來幽遊白書喺Netflix上左架？！
本來我諗住求其開嚟望幾眼，點知一睇就停唔到落嚟。
雖然細細個睇過，但依家再睇返，一樣覺得好精彩。
Lily訓醒教，行出房見到，都被吸引坐埋嚟一齊睇。
大家排排坐，睇左成個朝早，一口氣煲左二三十集。
睇到去飛影第一次使出邪王炎殺黑龍波，內心依然都係咁激動。
睇睇下，Samuel突然指住部電視對我講：「傑傑，不如你就用呢招啦。」
「你話咩話？」
「我話你不如就用飛影呢招，用你嘅想像力令到你條jer jer，使出炎殺黑龍波。」
Samuel忽發奇想，提出一個天馬行空嘅提議：「飛影一招就燒到對手連渣都無，威力咁巨大，話唔定你用佢呢招必殺技，都可以一嘢打爆力場。」
「唔係呀嘛，呢個係漫畫虛構嘅招數，點可能變成真？」我就話。
「唔係喎，我覺得今次Samuel呢個提議幾好喎。」Lily居然認同Samuel。
跟住佢解釋話：「你諗下，當你下面變成機關槍嘅時候，都可以射出真嘅子彈，咁只要轉一轉幻想嘅畫面，照計都應該射得出炎殺黑龍波。」
「係呀，橫掂都係靠FF架啫，只要你FF到嘅話，連降龍十八掌都出到啦。」
Samuel講完，立即回帶播多一次頭先嗰集：「傑傑，你要留心啲睇，留意下飛影點出招。」
結果喺Samuel同Lily陪同之下，我睇曬所有飛影使出邪王炎殺黑龍波嘅集數，仲要每集重複睇左兩次。
基本上，招必殺技已經深深咁刻曬喺我個腦度。
雖然我個人覺得咁嘅做法係唔work，只不過目前無其他更好嘅idea，再加上Samuel同Lily嘅鼓動，故此唯有就試一試。
一開波我先俾Lily吹硬碌嘢，跟住就解放出體內嘅真氣。
一下子，賓周就變到成碌青瓜咁大條，如果插入去緊窄嘅洞穴裡面，應該會好爽。
然而要爽嘅話，首先就要消除障礙。
我抖啖大氣，向前插入，煩人嘅貞操力場如期出現。
與此同時，我喺腦中回想飛影嘅必殺技——邪王炎殺黑龍波。
一秒後，黑色嘅火焰就應幻想而生，徹底包圍住我碌巨鳩同蛋蛋。
估唔到真係得，真係可以靠幻想，就將動畫入面嘅招式化成真實。
甚至乎，喺賓周對上嘅小掩位，連隻邪眼都開埋出嚟。
黑色嘅火焰越燒越旺，騰升嘅火舌逐漸成型，變成一條猙獰嘅火龍。
呢個絕對係一股強大得令人敬畏嘅力量。
房間內嘅溫度變得燙滾，火龍翻滾時冒出嘅一丁點火花，就已經將隔籬床邊嘅燈同飾櫃，瞬間燒成灰燼。
呢股力量如此驚人可怕，我就唔信咁都打唔爆道仆街力場。
我學動畫入面飛影咁，出招之前大嗌一聲：「邪龍炎殺黑龍波！！！」
兇猛嘅黑色火龍向住貞操力場直衝過去，所產生出嚟強勁後座力，令我成個人向後飛貼埋去墻上。
火龍同力場強強對撞，呢招必殺技咁勁，我心諗今次實食無黐牙啦掛...
點不知，只係過左大約短短十秒，火龍就捱唔住，一嘢俾力場反彈上天花板。
「砰！！！」
一下超級猛烈嘅大爆炸，閃現出刺眼嘅火光。
兩秒過後，強光緩緩消失。
抬頭一望，我間屋原本係三層嘅獨立屋，眨眼之間，樓上兩層連埋個屋頂化成灰燼。
我呆望天空，夕陽將藍天染成金黃色，喺呢一刻，我心入面無法相信，一招咁犀利嘅必殺技，竟然都係打唔爆力場。
慶幸嘅係，黑龍波被反彈嗰陣，無波及到隔籬鄰捨，否則隨時傷亡慘重。
「哈哈！」
呢個時候，門外傳嚟一把討厭嘅笑聲。
欣欣從門口慢慢行入嚟：「講得自己咁把閉，又話要逆天改命、打破宿命，仲以為有咩本事，原來不過只係笑話一則。」
我著返條褲，行出去：「你嚟做咩呀？」
「無，咁啱經過附近，順便嚟探下你啫，估唔到就見到剛才咁精彩嘅一幕。」
「關你咩事，呢度唔歡迎你。」我對佢講。
「咪就係，走啦八婆！」Samuel出埋嚟，大聲趕欣欣走。
「哈哈！走咪走！不過臨走之前我都循例勸你一句，」
欣欣對住我展露出藐視嘅眼神：「唔好再妄想以為自己能夠打破宿命，凡人係改變唔到命運架！我勸你都係早啲接受事實，乖乖地疊埋心水同我一齊吧啦！哈哈哈！」
佢仰頭大笑，轉身行出門口。
望住佢嘅背影，我再次感受到一股令人心寒嘅氣息。
唔知係咪錯覺，嗰股氣息感覺比啱先嘅邪龍炎殺黑龍波更可怕。