考牌啦: 實習-Case 5 (8)
「不過你都同佢講左咁耐野，點都要做啲野架啦，如果吾係佢真係又會投訴門面。簡單啲的你就去預約做個簡單快捷的家訪...」柔柔嘗試給予一些過來人的意見 「柔柔姐，我有野想拜託你」夢這時的表情極其認真 「我都明你未必想繼續接觸」柔柔認為夢已經害怕再去與婆婆接觸，嘗試勸夢簡單的完成家訪。 「吾係呀，我知我係黎實習，但係既然我都接觸左婆婆，我想試下幫佢。我可吾可以申請放工後，翻查過去的所有資料」夢提出了一個年青氣盛的請求 「當然我平時係門面的工作我都會做到，一定吾會影響到我表現」夢同時高舉自己的手指，做出發誓的動作 「你真係...明明棋主任叫你跟我係吾想你咁衝，休息一排先..」柔柔看著夢一臉誠懇的樣子，拒絕的說話卻說不出口 「...好啦..」夢聽到後立刻做了一個勝利的姿勢 「不過，我吾準你係放工時間睇資料。既然佢都係門面的case，就係番工的時間睇，你黎緊依幾日都剩係上朝先做指引的工作，下朝你就同我認真咁睇資料，放工後同我番屋企好好休息。聽吾聽到？」柔柔帶着一點無奈一點兇狠的盯著夢 「好的，多謝柔柔姐，我一定要幫到婆婆」夢豪氣地說 「休息呀，休息！」柔柔再三在夢身邊再三提醒 就這樣，夢原先在門面的放鬆時間就被自己硬生生破壞，做了半日的正式門面就回歸自己原來的工作，調查對象的各樣資料。 這個下午，夢將過往婆婆的紀錄都逐份逐份調出，他沒有先閱讀文字版本的紀錄，而是按紀錄的日子逐一將門面所錄下的片段逐一查看，由婆婆步入門面開始，她的神情她的表現，到她的說話，即使已從他人口中得知過往的事件，夢依然一段一段的看下去，逐一將各樣的注意事項記下。快速地看完所有片段後，夢才細閱他人所擇寫的版本，比較自己所寫下的角度。 「喂，放工啦！」柔柔輕輕敲了敲夢的頭 「柔柔姐，做咩打我，我重差少少就睇哂啦」夢這才回過神來，摸着自己被打的位置 「叫左你好多聲啦，不過你都聽吾到。今日我講過咩架，放工後要休息。既然都差少少就聽日先睇，依家同我放工休息」柔柔說完就拉着夢離開門面