考牌啦: 實習-Case 5 (7)
夢感覺自己的背快被婆婆盯出一個洞出來時，他終於成功捱過一個上午，來到午飯的時間。 看見柔柔在角落向他招手，夢快步逃離門面。二人一路無話，直至回到登錄的房間，二人確保婆婆沒有偷偷跟來，才好好地關門，同時一起嘆了一口氣。 「你平時都係咁心急的咩？都未聽人講哂就衝出去？」柔柔的說話帶着一種姐姐被弟弟氣得無奈的感覺 「唉，我見到婆婆佢喊得咁慘，就忍吾住沖左過去」夢繼續用變聲器發出低沉的聲音 柔柔聽到就直接走近夢，二人的距離極其靠近，柔柔的頭髮就在夢的鼻子下飄揚。 「柔柔姐...咦我把聲？」夢的聲音變回少年青澀的聲音 「嗯，聽番依班聲先覺得符合你頭先做的野」柔柔停了一下繼續說「你知唔知頭先個位婆婆係邊個？」 看著夢老實的搖頭，柔柔就繼續說「頭先我同你講到門面係有幾位我哋稱之為VIP的人士，你就衝出去。你頭先覺得好慘的婆婆就係其中一個，依啲VIP全部都係門面的常客，投訴的原因永遠都無變，就係都係佢哋的屋企人。」 「頭先個位婆婆應該不停咁講自己有幾慘，又無地方住，又俾人蝦咁。但事實上就係佢個仔之前係出面租屋，佢覺得咁樣會蝕俾其他人，又想多啲見個仔同啲孫，就迫個仔搬番屋企住。你諗下，住埋同一屋簷下，婆媳關係又可以有幾好。一日一小吵，兩日一大吵，最終媳婦頂吾順，要帶埋啲孫搬番出去住，而婆婆就租左隔離屋住，吾俾佢哋走。依個先係佢無再住自己屋企的原因，完全吾係佢講咁係俾人趕走。」 「而之後就算婆婆住隔離屋，都會對媳婦點樣對啲孫係度指手劃腳。依種情況，個仔就搵調解員，社工個啲黎幫手，可惜婆媳雙方都無人肯讓步。之後婆婆吾知係邊得知門面曾經有case係令到一位行為極差的人以後都吾可以見自己的兒女，就纏上左我哋門面。頭個一次我哋都有人去查，當知道真相後我哋就close左case。點知婆婆吾心息，我哋幾乎每一個門面的身份都俾佢煩過，佢剩係想我哋去趕走佢媳婦。所以就演變成佢成日黎門面賣慘，大家繼續係旁邊做野。而你就直接...唉」說到這裏柔柔嘆了一口長氣 夢聽到過去的情況後，他的口擴張到塞幾隻雞蛋也絕對沒有問題。