考牌啦: 實習-Case 4 (10)

夢在椅上悠悠醒來「發生咩事？我哋吾係講緊學校的野咩，點解我好似暈左一陣咁」 EZ驚訝了一下便微笑著說「你有無咁虛？做左一日清潔都可以食食下野訓著」 夢懵着說「吓，吾係掛」 EZ說「係呀，重要叫極都吾醒添，好彩你今次係跟我啫。你重記吾記得你訓着之前我地講到邊？」 夢扶着額頭想了想說「我記得我哋講到創立依種學校的人咁樣做的原因」夢正想說下去的時候，頭內傳出陣陣的絞痛，手毫無意識地按壓着頭。 EZ立刻緊張地說「得得得，啱啱訓醒吾好咁用腦」 看見夢的手放慢，EZ才抖一抖氣再繼續說「背景我都同你講左好多，講番依間房啦。當然依家依間房的所有權已經係歸番哂俾牌照署。只不過有啲之前定落的規矩就一直俾人執行落去，所以就變成依家你見到的模樣。」 夢說「等陣先，點解你會用歸番哂黎講的，牌照署吾係最近先有的咩？」 「依啲野等你做得耐啲就會慢慢知，吾駛急。」EZ就對着夢說，也像在對着自己說 「我哋觀察左李昆個情況先啦」EZ將時間線調回最後一堂課的結尾。 屏幕上顯示在課堂結束的鐘聲響起第一下前，老師已經準確地說完課堂的最後一句。在鐘聲響起其間，老師所做的是派發試卷給全班的同學。在鐘聲完結的瞬間，如同在電腦按下指令一樣，全班同學同一時間一同揭開試卷，用同樣的速度，同樣的筆，同樣的角度下筆做試卷，一切看著是有着統一完整的感覺。 而這種感覺使李昆進的場面極其突兀。李昆的隨性與旁邊統一的學生就像在兩個平行時空一樣，永不相交的感覺。李昆做每一條問題的速度都與他人不同，有快有慢，但總體來說，都比其他人快。 而李昆完成整份試卷後，對比其他人善用時間地不停覆卷，他只是輕鬆地覆核一次便將卷放至收集的桌上，之後便繼續拿出自己帶到學校的書繼續閱讀。