【校園】【愛情】【0甜】【日常】能讓我重遇你多一次嗎..: 聖誕篇🎄

「BB,今日聖誕節喎，你有冇咩想同我講？」阿彤瞓醒推一推我

「咩啊，俾我瞓多陣先啦」

「哼，依家叻啦，以前仲會同我慶祝所有節日㗎」

「對唔住呀傻豬，聖誕節快樂，等陣我哋出去睇吓有咩行啦」

「咁就差唔多」佢攬住我





「俾我瞓多陣先啦」我攬住佢瞓

瞓多咗一陣之後，我聞到好香嘅味道，然後我望一望出邊，枱面擺好晒啲餸菜。

「咦，點解咁好餸嘅晏晝」

「驚你瞓唔醒，咁咪諗住試吓煮嘢食囉」佢攞住兩碗飯出嚟

「知你好啦，老婆仔」我攬住佢





「好啦好啦鬆手啦，快啲去刷牙啦，如果唔係唔俾你攬㗎，老！公！仔！」佢谷一谷塊面扮嬲

然後我就去咗廁所啦，一諗到以後都可以對住咁可愛嘅傻妹，塊面突然露出痴漢嘅笑容，一邊刷牙，一邊諗等陣去邊好。

「好好食喎，邊度偷師學返嚟㗎」我一邊食一邊拉住佢隻手

「冇呀，上YouTube睇人學嘅，好食就好啦」佢偷偷地甜笑左一下

「不如我哋等陣行吓聖誕市集呢」





「好啊好啊」一講市集就咁興奮，我等陣都係落去撳一撳錢先

「今日着邊件衫好呀BB」佢攞住一件黑色冷衫同埋一條長裙

「不如就黑色冷衫加條長褲？有咩我拖住你咪得囉傻豬」

「咦，邊個話俾你拖，不嬲都係我賞賜你咋嘛」

「係啦係啦，快啲行啦皇上」

呢個衰女成日扮晒高竇咁，不過呢個就係佢最得意嘅位。傻豬，一早睇清晒你啦。點會唔拖住你，費事亂咁跑亂咁買嘢。

「喂傻強，乜你今日出街咩」

「係呀，約咗條女出去行吓」傻強拖住佢女朋友





「好啦，唔阻住你同條女二人世界啦，有咩Discord講啦」

「快啲行啦，今日要影多靚相。」阿彤好興奮咁拖住我隻手跑

「快啲過嚟幫我影相啦」佢跑左去K11出邊嗰棵聖誕樹

「一，二，三，笑！」我攞住部相機幫佢影

「影得唔錯喎，又偷偷地約女去影相呀」佢攞住部相機睇相

「邊有喎，明明就係個Model高質素」

「咁甜得唔得㗎，情聖」





梗係得啦，鬼叫我女朋友咁得意咩，成日都好似個小朋友咁，不過就係呢啲位吸引到我。

「呢個好得意呀BB」佢指住隻豬仔公仔

「呢個都好得意」佢指住隻熊貓公仔

「乖，放低咗佢哋先。唔該幫我執起呢兩隻。」我放低完之後叫侍應過嚟

「嘻嘻，有老公真好，多謝老公。」

「聽話就得啦，以後乖乖地啦」

「不嬲都乖㗎啦」

「係啦係啦，最乖就係你啦，傻豬仔」





我哋行咗陣之後，就去咗隔離海港城睇聖誕市集，真係好多人，多到傻咗，不過聖誕節去海港城預咗㗎啦。

「BB呀，好多人呀，一定要拖實我」

「知道啦，我都驚你會走失」

我哋經過左一間賣唔同嘢嘅舖頭，入邊有頸鏈，手作水晶，衫，同埋羊鴕公仔

「隻草泥馬好得意呀，不過好貴。」佢抱住隻草泥馬，然後睇咗一睇佢個價錢牌

「咁仲買唔買好？」我摸佢個頭

「唔使啦，留返啲錢食嘢仲好過」佢放低隻羊駝，然後拖住我隻手出返去





話都冇咁快，又夜晚啦，今日買咗唔算多嘢，不過好攰，今晚都係要攬住佢瞓，呢啲生活真係舒服

「今晚我哋食咩好啊，老公」佢拉住我隻手

「不如我哋買塊扒返去鋸扒食飯？」

「好啊好啊」

「咁就好啦，今日獎你食糖水喇」

「多謝老公！！！」

然後我哋又去返樓下嗰間糖水舖，又遇到一對情侶。

「快啲搵個位坐低啦！老！公！仔！」又係嗰一把女聲

不過唔同嘅係，今次佢哋越嚟越自然，反而帶咗一種好sweet嘅氣氛出嚟。

「你都快啲搵個位坐低啦，死傻仔！」佢學個女仔咁

「你先係死傻仔，坐呢度呀」

「哥哥仔，諗好食咩未，定係照舊？」老闆娘好熟手攞住紙筆寫

「今日要熱嘅紅豆沙，凍嘅腐竹糖水」

老闆娘入返廚房之後，我同阿彤喺出邊一邊打情罵俏，一邊睇嗰對情侶點，嗰一對情侶過咗咁耐都冇變，反而越嚟越甜蜜，有一種老夫老妻嘅感覺。

「唔知我嗰個老公仔以後會唔會好似佢哋咁呢」

「又羨慕人哋呀，放心，我一定會做一百分嘅男朋友」

啲嘢到咗之後，阿彤搶咗我碗腐竹糖水食

「好好食呀，果然隔離飯香。」佢把口仲有我啲腐竹糖水

「快啲食你個碗紅豆沙啦，如果唔係等陣趕唔切返去整嘢食」

「得啦得啦」

「你兩對情侶咁耐都冇變，都係咁sweet嘅，老闆娘真係好羨慕」老闆娘托住頭咁望住我哋，不過我哋兩對情侶都冇講嘢，兩對都喺度偷笑緊。

過咗一陣，我同佢都食完，準備行出去埋單。

「下次見啦老闆娘」

「好，下次一定會準備多啲俾你」

「多謝靚女！」我同阿彤拖住手行返屋企

然後返到屋企即刻急急腳整好晒啲嘢，攞出嚟一齊食。

「好好食，老公」

「我不嬲都好好食㗎啦，你平時都食開㗎」

「咩喎，衰人，我講緊塊牛扒」佢塊面紅晒，之後打我

鋸完塊扒之後，我哋喺張床上面睇住一套關於聖誕節嘅電影。

唔知過咗幾耐，我同佢都瞓着咗。