【校園】【愛情】【0甜】【日常】能讓我重遇你多一次嗎..: 第十章

「套戲好好睇呀，多謝俊俊。」佢拖住我隻手

「我哋之後去邊好吖？」佢一邊問一邊挨住我

「不如我哋去睇吓今晚食咩好？」我指住間超市話

然後佢急急腳拉住我跑過去

冇錯，佢又帶咗我去零食區啦





「呢個可唔可以買呀？咁呢個呢？可唔可以買晒？」佢好興奮咁問我

「唔可以買太多呀，會變肥肥㗎」我一邊擺返啲嘢上架，一邊同佢講

「咁可唔可以買朱古力？」佢隻眼好可憐咁望住我

「好啦好啦，俾你食啦」我忍唔住買俾佢

「yeah,知你錫我嘅，多謝俊俊。」佢好開心咁推住架車行





一邊摸着佢個頭，一邊同佢行過去買菜

「不如我哋今晚打邊爐好冇？」我問佢

「我可以啊，咁買多啲預埋阿妹嗰份啦」佢諗咗一下之後答我

我哋買咗啲菜同埋肉就離開咗超市

「俊俊，我可唔可以買糖水食」佢指住間糖水舖





「好啦好啦」我拖咗佢過去

然後佢就一直望住個餐牌，諗緊食咩好

「快啲搵個位坐低啦！男！朋！友！」有個女仔好大聲咁對住坐對面個男仔講。

「諗好食咩未呀，哥哥仔？」老闆娘擺低咗兩碗野之後過嚟

「一個椰汁西米露，一個紅豆沙」

「你望吓人哋幾sweet,唔知我嗰個幾時先可以醒目啲呢」阿彤

「你講緊啲咩呀？」

「唔講啦唔講啦，識做嘅早就做咗啦。」





雖然我知道你講緊邊個，不過我一定唔會俾你得逞。事實係我唔知點樣開口好，總有一日我潘俊軒會俾你一個表白。

「好凍呀今日，隻手凍到白晒啦」阿彤不停搓佢隻手

「我幫你暖一暖隻手啦」我搓一搓佢隻手

「唔該晒，男朋友」唔知係咪佢聽完入邊嗰對情侶咁樣講之後學埋佢哋啲嘢

「着好啲衫先啦，傻妹」

「邊度傻喎，你先係啊，咁凍嘅日子都唔着褸，你病咗邊個照顧我呀」

「好啦好啦，以後着咗先出街啦」你試吓返學20幾度着褸





「哼哼，唔同你講啦」

「哥哥仔，西米露同紅豆沙到啦」老闆娘攞住我哋嘅外賣出嚟

「唔知等陣會唔會有人餵我食呢」佢睇到入邊嗰對情侶喺度互餵大家食嘢

「返到去咪餵你食囉，豬仔」我搣一搣佢個鼻

「好嘢，今日又係一個俾人寵愛嘅一日。」