上流養成法: Chapter 5
今天我又和Edward 約好在星發見面。現在我裝好身，因為換了沐浴露的關係，我現在聞起來有淡淡的自然香氣，比起濃濃的古龍水，我更喜歡現在的味道。有別於上一次，我今天預早了45分鐘就到達星發，找了跟上次一樣的位置等Edward 哥。
「真係有早到喎！」Edward哥對我的早到感到開心。
「係吖，你睇下我幾有決心入有錢人堆！咁Edward哥我哋今日要做咩？」
「執完你個look，而加要執你個餡。」Edward哥又露出微笑説。
「係吖，我都覺得自己冇乜氣質，點先可以好似你咁？」
「你望下呢到四圍，覺得呢到有邊個同呢個地方格格不入？」Edward 哥用眼神示意我看看周圍環境。
我觀察了很久，但都找不到那個特別的人，每個在這裡的人都打扮得十分街坊，女的通常都是大媽，男的便是大叔。我和Edward哥的打扮已經是這裡的「奇行種」。
「真係揾唔到喎我。」
「唉，望下你3點鐘方向。」
「邊到吖？」我望向3點鐘的方向，只見一個禿頭並穿著polo恤的大叔喝著熱咖啡。
「佢同普通大叔有咩分別吖？」我轉頭問Edward哥。
「睇下佢隻鞋。」
可能我對鞋的研究不是很深入，所以我不知道他穿的有甚麼特別。
「佢嗰對係Berluti手工皮鞋，每對要成250個鐘先造到。佢嚟呢啲地方都著呢對鞋，佢一定唔少嘢。」Edward哥見我毫無頭緒，便解釋道。
「嘩，佢都著得好唔襯下喎。」
「唔好理佢襯唔襯，你以為我成日嚟呢到冇目的咩，我睇咗佢好耐，佢每次只會著一件名牌嘢出街，但每一件都係堅嘢嚟。有次佢埋單個陣仲唔小心跌咗張黑卡出嚟。」Edward哥靠向我小聲跟我說。
「黑卡！？要唔知消費幾多百萬先有嗰張？」我真的是有眼不識泰山。
「哈哈，係吖，呢個係我目標。」
「咩料，我連普通member都唔知做唔做到。」
「我今日諗住接近佢，睇下佢咩料。」Edward 哥突然轉話題。
「吓，點接近吖？我未ready喎。」我開始緊張起來。
「唔係你去吖，淨係我炸。」
「咁我喺到睇你表演先！」
好像釣魚一樣，我十分期待Edward哥會釣到的是一條魚毛，還是一條石斑。
「聽講最近永萬集團想收購呢一區啲舊樓。」Edward哥開始了他的表演。
Edward哥説話時並不大聲，但那位皮鞋大叔立刻被這句説話吸引著，還轉過頭望向我們的位置。
「好似話想開發新住宅同埋高級商場。」Edward哥繼續偽裝跟我説話。
只是兩句説話，皮鞋大叔便莫名其妙地走到我們的餐檯，還一屁股坐下來。
「你又知？喺邊到收到風㗎？」大叔嬉皮笑臉地問Edward哥。
「內，幕，消，息囉！」Edward哥回答。
「準唔準㗎？」
雖然他們倆臉上都是笑臉相迎，但感覺都似笑裡藏刀。我就像個小蕃薯一樣坐在一旁。
「um…咁我諗發料俾你嗰個一定係永萬高層啦，暫時只有佢哋先知呢個計劃。」大叔繼續説。
「哈哈，咁你都知，但你都好似對呢個project有啲了解咁喎，唔通你都係永萬高層？」Edward哥巧妙地反問大叔。
「冇冇冇，我邊有咁本事，但都算係同行嘅。」
「睇你斯斯文文，一定好多女人中意你呢啲gentleman啦。喺永萬高層又好似咁啱得施凱嘉係女高層，唔通你同佢好熟？」大叔諷刺地問Edward哥。
經過他們你一言我一語的對答，現在終於説出重點來了。
「算係朋友一場啦。」想不到Edward哥連香港第一地產商嘅高層都識，難道他真的靠兩條絲巾打天下？
「你睇落咁fit，我諗你成日嚟呢到唔係想食蛋撻呱？」大叔邊説邊指著Edward哥的手瓜。
「都係嚟揾下食嗻。」
「揾食？蛋撻點夠你食吖？如果你有辦法知道永萬下個月元朗地皮投標價嘅話，咁先夠你食喎！」
「哈哈，我點會知呢啲機密資料吖，咁睇得起我！」
此時，大叔從衫袋中掏出卡片遞給Edward哥。
「有咩消息就通知我啦！」說完便動身離開。
有別於Edward哥的卡片，大叔的卡片有暗花設計，草書字體，刻有金色「李安達」的名字。名字下方寫著華興集團總裁。比起Edward哥的卡片，他的顯得較濁氣。
「嘩，Edward哥你好勁吖！你又知個禿頭大叔係勁人嚟嘅？總裁係咪嗻係CEO？」Edward哥真的是個上流雷達。
「CEO高級過總裁，見多咗你都可以一眼睇得出啲人嘅level。有似佢地頭上有個number，寫住佢係咩級數咁。」
「咁你而家要點先知永萬個投標價吖？」我好奇地問。
過了幾天，Edward哥都沒有聯絡我，我想他一定在密謀策略。
「你今日得唔得閒？」終於Edward哥發了個訊息給我。
我們約定了在尖沙咀的某大酒店等候。兩點三十分，我早到了十五分鐘，不出所料他在任何時候都能夠被我更早到。
「喂，Allen呢度呀！」是的，Edward哥現在只會叫我的英文名。他在酒店餐廳近窗口的座位向我揮手。
「Hello Edward哥，你諗到辦法啦？」我急不及待想知道他的策略。
「下個星期呢度會有個慈善拍賣會，你都一齊嚟呀。」
「吓？要做咩㗎？做咩無啦啦叫我去嘅？」我對Edward哥的說話毫無頭緒。
「帶你去見識下呀嘛，同埋我哋可以喺嗰度攞料。」
「攞咩料呀？哦！你諗住係啲明人聚會到八下永萬個投標價？」我好像恍然大悟一樣。
「叻仔喎而家。」Edward哥微笑並稱讚我。
「唔得㗎我，我去到驚拖累你呀。」我搖搖頭表示不想破壞Edward哥的計劃，但我心裡其實很想去見識見識。
「呢個係永萬集團主席個女，萬香賢，佢會代表永萬集團參加下個禮拜個拍賣會。」Edward哥向我展示了一張女性照片。她五官精緻，長黑卷髮，身材標準，有一種復古的味道，不說的話還以為她是80年代的女星。
不過無論長得怎樣的女人，她們內心還是醜惡和貪婪。
「嘩，幾靚喎！你唔係要我埋佢身呀嘛？我唔做鴨㗎！」我雙手抱胸做出「不」的手勢。
「我欣賞你有底線，但係就算你送上門，萬香賢都唔會采你。」我看得出Edward哥強忍心中對我的恥笑。
「洗唔洗講到咁呀Edward哥！」
「去同人做個朋友啦！」他喝著手裡的香檳說道。
「話做就做咩，你講到我咁。我諗大把軟飯王想埋佢身啦。」雖然我心中還挺想認識她。
「咁你知唔知自己有咩優點？」Edward哥把背脊挨後，雙手合上， 像在期待我的答案。
「樣呀？」我也停止進食手中的漢堡並認真回答。
「你傻下傻下咁樣，啲大小姐身邊應該無乜咁嘅人。再執執佢，我諗佢應該幾鐘意你呢種人。」
「你真係諗住俾我去呀？好淆喎我！」
面對他的邀請，我還是心大心細，但過了一星期之後，我最終都出席了。