上流養成法: Chapter 1

阿豪角度 

「今次真係好多謝關先生你接受我哋嘅訪問。」我十分感激關生接受了我的邀請，因為如果我這個月尾還未能交出專欄的稿給老大的話，我就完蛋了。 

雖然上次見面已經是數年前的事，但關山看上去與之前無別。 

「唔洗客氣，你係我恩人嚟㗎嘛，多謝你嚟訪問我，叫我Allen啦。你洗唔洗飲杯熱朱古力？」關生優雅地拿起茶杯慢慢細味杯中的大紅袍。 

甚麼恩人？我做了些甚麼嗎？ 





想不到嶄新大屋的外表，室內卻有一種懷舊感。木地板，大理石牆身，大廳中還有個古色古香的火爐，火焰在不停地舞動著，雖然香港冬天不太冷，但光看著火爐就已經感受到溫暖，牆壁上更有不同的畫作，為大廳增添了一份藝術感。 

「哈哈，唔洗麻煩你啦，多謝。我今次準備咗十題讀者最想知道嘅問題，好啦咁我而家開始啦！」我按下電話錄音功能的開始鍵，並拿起紙筆準備寫下筆記。 

「好，第一題問題，好多人都好好奇你喺好多公眾場合都表演得十分優雅，比起其他超級富豪，你低調得嚟不失個人style。究竟你係點樣揀衫嘅呢？」 

「我諗我嘅秘訣就係唔好跟風，揀啲適合自己嘅衫，著得舒服，咩牌子都無所謂。」火光打在關生的臉龐，令到他的臉容變得立體起來。 

「我諗大家都想知道你同萬小姐嘅愛情故事㗎啦，你哋係點識㗎？」我問起來比較挑皮，希望關生可以多說他們的愛情故事，滿足讀者們的八掛心理。 





「哈哈，我哋喺個拍賣會到第一次見面，咁啱我哋都想買同一件嘢，但最終都被佢買咗。之後我哋就認識咗大家。」關生說的時候不時都會露出甜絲絲的笑容，身為旁人的我都感受到那羨煞旁人的戀愛。 

真羨慕呢！ 

「嘩，咁啱你哋又會鐘意同一樣嘢嘅！」 訪問的過程十分輕鬆，關生完全沒有那些富豪的架子。

我不時都會張望四周的擺設，華麗且簡潔。室外的花園反而與室內的設計截然不同，那裡很有童話色彩，五顏六色的植物，糖果造型的圖案，可愛的裝飾，就像去了迪迪尼的魔幻世界一樣。 







「都差唔多到咗呢個訪問嘅尾聲啦，通常最後我哋都會請嘉賓造個簡單嘅room tour。我見出面花園嘅設計好特別，好夢幻，係你嘅idea定萬小姐嘅idea?」 

「係我哋兩個嘅idea。」 

「點解有呢個idea嘅？」 

「我哋兩個細個都中意睇Roald Dahl嘅故事，所以呢個花園係參考咗朱古力獎門人嚟設計。」之前關生的微笑消失了，變成有點詭異的笑聲。 

「Oh，原來係咁。我諗你一定好掛住你太太。咁你介唔介意我哋而加開始room tour?」我被那奇怪的笑聲嚇到了。

 快點拍完照快點走。

「Sorry呀，我諗除咗呢層之外，其他樓層都唔方便俾你參觀。」明明關生沒有摸到任何東西，但他不其然地拿出衫袋裡的絲巾擦了擦手。

「我明白啦，上面一定有啲貴重物品，但有冇其他地方可以比我影張相，你知我哋啲讀者好八卦㗎啦！」我嘗試說服他。 





「咁我哋可以去花園嗰到睇下。」他伸手示意我去外面的花園。 



 花園真的很美，點點的燈飾像仙子一樣守護著花園，令人不捨得離開。我張望周圍，有游泳池，梳法，露天茶座，總之你想像到富豪有的東西，這裡都有。 轉過頭來，我看到二樓和三樓的房間是開著燈的，隱約好似見到人影。我真的被嚇壞了，據我所知關生自萬小姐過身後都是一個人。

「哈，唔洗驚，佢哋係我啲朋友，有時得閒會嚟呢到過夜，當係陪下我。」關生解釋。

「哦，唔怪得知唔方便俾我上去啦。」我鬆了口氣。 

「關生你真係與別不同，通常我見啲富豪都好多工人服侍呢樣嗰樣，但我好似都唔見你有工人嘅。」我轉開話題。

「係呀，我無請工人。有外人喺度好唔方便，我啲朋友又成日住喺到。」他微笑向上看著二樓和三樓的房間。





 成日？

 我並沒有多理會其他奇怪事情，但臨走前我忍不住還是回頭看看二樓和三樓。 人影依然保持在同一個位置， 沒有分毫動過的跡象。剛才的景象為什麼有似層相識的感覺？