《瑤瑤》科幻/萌愛: 第十五章 地下空間 (加補充資料)
第十五章 地下空間
(以下內容,"我"=瑤瑤)
祭台的枱底下, 原來有一個之前我在公園涼亭畫的那個結界標誌, 而且係個坑渠蓋 (哈哈哈🤣🤣🤣)。 主教拖住迷迷糊糊嘅我, 站在那印有結界標誌的蓋上, 一邊念出咒語後, 那塊坑渠蓋突然向下墜落 (驚😱)。 站在那蓋上, 感覺就似玩緊水上樂園的水管天梯, 從最高處掉下。 掉了差不多兩三分鐘先停落嚟~。
到了嗎？ 眼前係漆黑一片, 好似入咗廸士尼的迷離鬼屋咁🏚️, 完全雙手不見五指💀。主教也唔知幾時不見了, 我超驚 (想嗌出來😖😰)。
慢慢雙眼👀適應了漆黑, 開始見到手指🤲, 漸漸越來越清晰了。 身處的環境係一個好大好大嘅全黑色的房🕋, 大概有一個足球場咁大, 樓底高不見頂, 亦見唔到有任何門或者窗。 眼前開始見到一個人了 ……「瑤瑤, 你仲認唔認得我呀?☺️」那人說。
目測係一個大概二十幾歲嘅大肥仔, 外表好論盡, 著衫又哩哩啡啡, 總之好毒男feel🤨。 我亦完全唔知道佢係邊個。
毒男:「或者你真係唔記得咗我了。 我叫力斯, 我就係你就讀一年班嘅小學當年, 我係六年級的風紀哥哥。當年我哋每一個風紀都要負責照顧一個小一新生, 我就係當年照顧你的那個風紀哥哥 (微笑😁)」
瑤:「噢~🥰 咁我有d印象了, 因為好記得當年新嘅校園, 一切都好唔適應。 我當然記得有個風紀哥哥對我照顧周到啦, 原來係你(微笑😍) 太開心了。係啦, 點解你會喺呢度出現嘅, 呢度又係咩地方?? 🤔」
力斯:「首先, 你唔好咁開心住, 因為我係壞人, 哈哈哈哈~ (壞人總係要奸笑的 (偷笑😅))。 歡迎你返到來2021年嘅現實世界。你經歷呢幾日嘅日子, 所有嘢全部都係我哋呢個空間密室做出嚟嘅影像。 不過呢啲影像唔係完全假的, 呢間房背後有一部超級電腦運作住, 佢將現實嘅世界用大數據, 推演20年之後的結果。 所以, 你呢幾日發生的全部都係真實, 而且所有人和物都係真實有生命及存在的。」
瑤瑤完全唔信佢係壞人, 因為曾經是那個幫助別人的好哥哥。 而且仲追問佢家朗點樣呢? 佢依家點呀? 仲可唔可以見返佢呀 (想喊😭)。
力斯續說:「你係我一直暗戀的人🤤。 幾年前, 我曾經鼓起勇氣, 想在你生命中出現。 我每日也跟蹤你, 等你放學, 看你週末的生活。 可惜, 跟據我觀察, 你似乎好受男仔歡迎, 我就知道我跟本係冇希望了。 好好彩, 一個機緣巧合, 我得到幫助, 做了這個空間。 呢度的一切都係為咗可以同你一起而做的。 只要我將所有人殺曬, 去到結界世界, 就只有你和我兩個人了, 再冇人可以在我手搶走你。」
吓~😨 咁癲, 佢唔止係壞人呀, 直頭係痴漢呀 (哎吔😫😫)!!
力斯續說:「你喺呢個幻象嘅結界世界入面, 你每一刻每一秒, 其實都係企咗喺而家呢一個房間的中心位置🎯。 地板就像一部跑步機嘅運輸帶, 你就算跑去邊都好🏃, 運輸帶都係將你保持係中心點🎯, 按照你當時嘅環境例如上樓梯就會變樓梯, 你落水亦都會變做水。 睇下果度!! (向上指☝️)見到左上角同右上角的射燈嗎? 佢哋係太陽☀️同月亮🌕。 不過咁, 你喺呢度用嘅時間其實係停留咗⏹️, 即係話喺外面就算過咗幾多日, 其實呢度一秒都冇用到, 換言之我哋喺虛幻世界係不會老的, 永遠鎖咗喺演化20年後的呢一秒, 咁樣我哋的愛就可以慢慢培養, 亦可以生生世世在這裏延續下去🤤」
吓~😨 咁都得, 咁似荷里活電影搭棚 (驚訝😫) 同毒男生生世世一定唔可以🙅!!
他繼續說:「家朗嘅爸爸本來係我嘅助手科學家, 係佢發明變種喪屍的病毒☣️。 你睇嗰本結界符號書, 亦都係我哋暗中安排你去睇, 也如我哋所料你真係去實行。當你啟動結界果一下, 你入了虛幻世界, 同時, 病毒☣️就開始啟動, 慢慢慢慢從空氣中去散播病毒, 將人類續個慢慢走上變成喪屍之路。 但係唔知發生咩事, 家朗爸爸突然叛變, 停了散播病毒, 而且佢按下時間停頓器⏲️, 令到時間交錯下, 將你送咗去元朗認識咗佢個仔, 我喺電腦嗰度睇到你亦都將佢個仔嘅意識改變咗。 正因為你影響咗呢個未來, 其實會直接影響到現實世界的。」
我聽完佢咁講之後, 即係我仲有機會返去佢虛幻世界搵返家朗啦, 因為現實同結界世界原來係有connection。 叮一聲🎶, "connect" 呢個字好似之前"未來的我"曾經講過比我知, 唔通都係有關係的 (心想🤔)。
但係呢個力斯佢痴戀咗我十幾年, 我要好婉轉咁同佢講先得:「係啦, 我喺虛幻世界唔覺意跌咗個🧸熊仔髮夾, 呢個髮夾對我嚟講好重要的, 可唔可以比我返去搵返呢 (好似服務業員工對住d客人笑晒口咁樣😊)」。
力斯說:「放心, 我一定會比你返去, 而且我今次還會親自同你一齊返去。 我好想喺果度(結界世界裏)只有我哋二人嘅世界, 等你比機會我哋可以一齊生活。🤤」
我就話咁當然好啦, 咁我哋依家立即返去啦 (期望🥺🥺)。
就係咁, 力斯啟動電腦, 二人就一起返到去已經製造了的虛幻世界。
待續~~
第十五章補充
故事裏不是講平行時空, 沒有未來和現在的同時存在。第十五章裏提及的"結界"是從現實中被創造的。 結界內的人, 所有生命是超級電腦創造出來的, 係有真實的生命, 只係沒有時間的限制。