《瑤瑤》科幻/萌愛: 第十四章 教徒

第十四章 教徒

(以下內容, "我"=瑤瑤)

    婆婆整嗰個all day breakfast🧆果然係幾正, 總之每日遇到嘅嘢都係好神奇, 或者始終都係未來, 可能只係瑤瑤冇辦法理解呢啲科技掛~♡!

   婆: 「你食完了?! 如果你冇嘢做, 咁不如你陪我去教堂, 教會裏面啲人好好的, 多個人互相照應都好呀 (慈祥🧓☺️)!!」
瑤:「你都講得啱, 我都冇嘢做。 好啦~ 我以前都有返教會的, 咁我陪你去啦, 婆婆 (微笑😊)。」

    來到教堂了, 這個教堂雖然也比樹藤纏繞著, 但係都睇得出係一個很有氣派的大堂⛪。





    婆婆說:「好啦, 我哋入去啦, 呢條樓梯上!😊」

當我開始上樓梯時, 呢個時候唔知點解我個頭暈暈哋😵, 眼前嘅景象又好似blur blur地咁, 唔通我琴晚傷心過渡唔夠瞓? 都係死頂落去先再算。

    入到去之後見到好多人, 估唔到出面死寂的街道, 呢到竟然會有咁多人😱。 婆婆叫我跟住佢排呢條隊入場, 一路排隊就一路跟住條人龍係咁行入去🚪。 入到去之後我個頭更加暈😖, 眼前嘅景物更加blur, 眼前模糊的影像下的呢一刻隱隱見到我哋對面入嚟嗰個門口的"教徒"全部都係"金色人"(好驚😱😱)。

    等我形容下金色人係點嘅樣先。 佢哋全部都係身穿一件好似西藏喇嘛嘅豆紅色長袍, 全身披著遮蓋身體, 只有頭部和手掌露出, 都是全金色的。 手似係機械手, 特別在個頭部, 係冇眼耳口鼻的, 完全係一個波形嘅金球。

    總之人類一條隊, 金色人另外一條隊排隊入場。 我再望清楚, 我哋嗰邊嘅人類個個都好似冇嚟精神, 而且每個人都係被另外一個感覺上比較年長的人🧓帶着進來。





    終於所有人都已經安排好企位了, 我哋普通人的企位同金色人的企位係面對面的, 所以我哋係互相對望。 呢個時候有一個疑似主教嘅人入咗嚟, 佢從我哋兩班人中間的一條路行入嚟。 那個主教身穿黑色長袍連帽, 遮着的頭部係完全黑黑的, 完全睇唔到佢個樣。

    主教宣佈儀式開始, 我哋每個人類呢邊要行過去同一個金色人握手, 每個人握完手後都可以回去自己個企位。 我個心情其實係好驚好驚😰, 當到我同一個金色人握手時, 全身都係震晒。 握手後, 主教突然走過來說, 叫我跟佢去見教主, 婆婆呢個時候就離開, 同我分開了。

    就係咁, 我響我迷迷糊糊嘅情況下跟咗主教佢行去祭台那一邊。 然後, 他帶了我去一個地下的……
待續~~