因為個火山孝子，我識左對孖妹: Ch.35

「阿峰，你聽日放假應該好得閒啦?」淇淇問。

「想點?有咩就講。」

「諗住叫你聽日出嚟行街。」

「屌，咪又係叫我拎野，我幾時做左你隻兵啊?」

「我係啲咁嘅人咩，原來你係咁睇我，我唔理總之你要陪我啦。」





淇淇這通電話不是來問我而是知會我…

難得放假一早被鬧鍾吵醒，被淇淇強逼到預先約好的地點，到步時從遠處已經發現淇淇的身影…

當我走近時，看見淇淇身邊還有三位女生，我尷尬的打招乎…

「Hi，你地係?」

「佢三個係我大學同學，Sandy，Julie同Erica。」淇淇搶先代答。





「哦，冇聽你提過佢地嘅?」我問淇淇。

「我係咪咩都要同你交代啊。」淇淇突然斥喝。

只見旁邊三位女生掩著嘴笑，淇淇向她們又介紹我:

「佢係阿峰。」

她們說今天要去採購生日會的裝飾用品，三位女生走在前面，我與淇淇並肩而行，我問:





「佢地就係你嗰日話嘅幾個friend?」

「係啊，做咩啊見人靚想溝人啊?」淇淇瞥向我。

淇淇的三位朋友外型的確不俗，尢其那位Julie跟淇淇不相上下…

「你講咩啊，我係嗰啲見人靚就溝嘅人咩?」

「你擺到明係啦。」

「我而家先冇心情諗其他女仔。」

「唔好扮聖人啦，定係你仲諗緊…蒂蒂?」淇淇遲疑一下才問。

我心裡面還在想蒂蒂嗎?好像沒有太想她，那我現在心裡想得是誰…





「冇啦，俾你講起，生日會佢會唔會嚟?」我裝作沒事反問淇淇。

淇淇看我沒異樣便大方說是蒂蒂先提議不辦台聚才找她的朋友辦生日會。

其實不用問都知蒂蒂生日那天和誰過…

「佢地都幾慘喎，你冇人要先搵佢地。」我為她們感到可憐。

「咩啊，我年年都同佢地過生日架，不過唔係正日啫。」淇淇反駁我。

「喂，兩位唔好掛住拍拖，快啲過嚟啦。」Sandy在對面揮手喊著。

不知不覺她們三位已經過了班馬線到對面。





我聽到後瞬間臉紅耳赤，和淇淇尷尬的對望了一下…

「咪亂講野啦。」淇淇走到她們面前拍打Sandy。

「我邊有亂講，你睇下佢塊面紅到。」Sandy指著我說。

「我今日著得多衫覺得熱咋嘛。」我不知道哪來的急才。

她們又掩著嘴笑一笑…

逛了一個早上，終於採購完畢。用膳時，淇淇跟Julie去了洗手間。我突然想起一件事要拜託眼前的Sandy同Erica…

「你地生日會嗰日係咪會早啲去到?」我問她們。

「係啊，我地會佈置個場先。」





「咁可唔可以幫我帶支結他入去收埋先，唔好俾淇淇見到。」我拜託她們。

「WOW!有人想搞驚喜…係咪想同淇淇表白啊?」Sandy興奮的說。

「彈結他表白，睇唔出你咁浪漫喎。」Erica又加張嘴。

「其實…要表白嗰個唔係我，係我個朋友。」

我直接供出肥軒，免得她們誤會…

「吓，係人睇得出你對淇淇有意思啦。」Sandy帶點失落的說。

我對淇淇有意思?不會吧，不久前才為蒂蒂哭得死去活，那麼快就移情別戀?還是把淇淇當替代品?而且我不想和肥軒競爭，免得傷害大家的關係…