因為個火山孝子，我識左對孖妹: Ch.34

「峰哥，你呢幾日得唔得閒?」

肥軒轉了稱呼代表他又有時求我，我都開始變得麻木。

「冇啊，想搵你學返結他啲基本野，太耐冇彈chord都唔記得點撳。」

「做咩無啦啦又掂返結他?」我問。

當初我會學結他也是因為肥軒拉我一起去學，原因是他當年著迷謝霆鋒。一開始我們是學電結他，學到半途肥軒覺得太難放棄了。而我因為個人喜好轉投木結他繼續學下去…





「仲有兩個星期就係淇淇生日，我想係佢生日會度自彈自唱。」肥軒說。

我都忘記了淇淇生日將近，肥軒不會是想籍此告白吧，就算是也不足為奇，他這幾個月來努力健身，成效也從他身上慢慢看到。我作為肥軒的朋友應該是祝福他成功才對，怎麼心裡總是覺得怪怪的…

「生日會?佢有搞生日會咩?」我沒聽過淇淇說生日會的事情。

「佢同蒂蒂上年都有一齊搞個生日會聚會，不過上次抽唔中我冇得去。」肥軒說。

從肥軒口中聽到久違的蒂蒂二字，心裡好像沒太大起伏…





「咁今年你又知抽得中你架啦?」我問。

「咩啊，咁今年我地都熟絡左，冇理由唔俾我地去架嘛。」

「你問左佢俾我地去未啊?」

「未啊，你幫我問啦，我想俾啲驚喜佢啊。」肥軒興奮地說。

「又我啊?當我怕左你，咁你係咪聽日上嚟學啊?」





「嗯，都話峰哥你係最好人。」

我掛斷通話後，傳了個訊息問淇淇:

「你今年係咪搞生日會聚會架?」

不用片刻，雙藍剔，她回覆…

「好野喎，記得我生日。」

其實是肥軒提起我才記得…她又傳來。

「不過唔搞台聚，今年同幾個friend係party room玩，你想嚟都可以。」

她的朋友?從沒聽她提起過…更沒想到她會邀請我。





「咁我叫埋肥軒一齊嚟。」

過了一陣子她傳來沒問題的emoji。

翌日，肥軒上來我家時我告訴他party room的事，他興奮的迫不及待催促我教他結他…

肥軒拿起結他，嘗試用左手按基本和弦時動作生疏得像個新手…

「師兄，咁樣唔撚掂喎，你不如講你想唱咩歌，我用個chord譜直接教你啦。」我看不下去。

「告白氣球。」肥軒沾沾自喜的說。

果然肥軒想表白…





「你搞啲咁嘅野?你神者撚啲friend嚟架喎，轉廣東話歌啦。」我笑著勸肥軒。

經過一番篩選後，肥軒選擇了親愛的珍—2084。

肥軒每天在我下班後都上來學結他，如是者過了一星期，他大致上都學會…但遇到一個問題

「願我可花足一生和你甜密…」肥軒唱著。

「右手搞乜鬼淨係掃四下啊?」我指著肥軒的右手。

我發現肥軒無法手口協調，唱歌時後無法掃出多變的節奏。

還剩一星期，我叫他把結他帶回家練…

肥軒走後，電話響起…是淇淇。