因為個火山孝子，我識左對孖妹: Ch.20

踏出甜品店，看一看電話上的時間，剛才那場難熬的煉獄原來才歷時不足一小時…

「跟住去邊啊?」蒂蒂問。

淇淇提議去溜冰，其他人都點頭讚同，而我當然有意見…

「你地去啦，我完成任務啦，食飽返去瞓。」我伸著懶腰說。

既然我跟肥軒的交易只是吃甜品，有其他下場我自然不必去，更何況是溜冰…





「你豬嚟架?食完就瞓。」淇淇望著我。

「你係咪唔識溜冰所以驚左唔去咋?」她又問。

對，她說中了，我以前試過一次溜冰，那次只有跌沒有其他體驗，自此再沒碰過溜冰…

「我收到嘅通知呢就只有食糖水，其他野就唔關我事啦。」

「阿峰，咁難得出嚟玩，咪一齊去囉，最多唔笑你啦。」肥軒說。





 有事求我就哥前哥後，現在就裝成熟。最主要是肥軒是溜冰高手，以前還參加過比賽，機會難得當然要在淇淇一展威風，還想叫我去當陪襯。

「係囉，唔識等我教你，好易架咋。」蒂蒂加入說服。

就這樣我被強行拉去溜冰，內心百般不願，不是怕跌倒而是怕淇淇的瘋狂恥笑。

大家換上溜冰鞋，便衝進溜冰場，除了我滿步蹣跚的在入口附近扶著牆邊…

突然聽到啊一聲，旁邊有人倒地，我轉頭看是Nicholas，原來他跟我一樣是新手，畢竟人無完美，再看肥軒已經在場上繞了好幾圈，上天是公平的…





蒂蒂見狀扶起Nicholas，然後教了他一些基本動作，不用一會Nicholas就能向前滑，我不敢相信他的學習能力，說好的公平呢?

連Nicholas都學會了，我卻在原地踏步…

「喂，原來你真係咁渣架，洗唔洗我教下你啊?」淇淇滑過來先恥笑一番。

「走開啦!唔洗你教啊，專登過嚟笑鳩我。」我拒絕淇淇的"好意"。

「本來諗住做好心教下你，唔洗就慳返，慢慢係度跌啦你。」說畢她又滑走了。

之後我就像個維園阿伯扶著牆邊散步…

又有人滑過來，今次是蒂蒂…

「你仲係度行嘅?頭先我見淇淇過嚟教你架。」





「佢過嚟笑我咋嘛，邊係想教我啊。」

「咁不如我教你基本動作啦。」蒂蒂語帶溫柔的道。

「嗯，好啊。」我點頭示意。

可能是蒂蒂的語氣，感覺讓她來教比較安心。我天資笨拙，蒂蒂很有耐性，扶著我逐步慢慢教。經過幾番嘗試，開始掌握到用腳推前的感覺…

「多謝晒，我咁渣都肯教我咁耐。」

「唔洗客氣，其實都唔係好渣啫，你都學識左基本野啦。」蒂蒂嫣然一笑。

眼前的人明明與淇淇有著同樣面孔，脾性卻差天共地，一個是天使一個是魔鬼。完全不理解肥軒居然會著迷淇淇而不是蒂蒂…