因為個火山孝子，我識左對孖妹: Ch.19

「Ariel，你仲係咁鍾意綠茶味，咁多年都冇變過。」

Nicholas望著淇淇點的那球抹茶雪糕。

「我而家鍾意食嘅係抹茶味唔係綠茶味，過左咁耐好多野都唔同晒。」淇淇意有所指。

本來氣氛已經尷尬，兩人的對話更令溫度跌至冰點。

「係喎，冇聽家姐提過以前嘅事，Nicholas你同家姐係英國點識架?」蒂蒂突然提問。





我早就猜到Nicholas跟淇淇是一早認識…

「原來你地係英國識架?」我問。

「係啊，我去英國讀書，嗰陣同Ariel係同學。」

「真係同學咁簡單?」

我覺得他們的關係並不簡單才問道，坐在Nicholas旁的蒂蒂似乎也很想知道答案，難道蒂蒂也不知道他們之間的事情?





「唔止，我地仲係……朋友囉。」Nicholas望向淇淇遲疑一秒才吐出朋友二字。

「你嚟食糖水定吹水架，你個布甸唔食我食埋去。」淇淇欲伸手奪走我的木糠布甸。

我一手打撥開她的手…

「死開啦，食咁多因住肥死你啊。」

「變態佬，你講咩啊，係咪想死啊!?」





「屌你啊，仲叫我變態佬，唔係應承左肥軒今日真係唔鬼嚟!」

我帶點怒氣瞪著淇淇又向肥軒瞥一眼。

「一人少句，你嚟都嚟左，食埋個糖水先啦。」肥軒安撫我…

「咩變態佬啊?我係咪miss左啲咩啊?。」蒂蒂打開八掛雷達。

淇淇笑著跟蒂蒂解釋當日發生的事，其間我感受到Nicholas的視線帶點不友善飄過來…

「又會咁啱係咁撞到嘅，你地都幾有緣喎，仲有原來你先係沙田謝霆鋒。」蒂蒂指著肥軒。

肥軒雙頰泛紅，突然害羞起來，原來你也知道羞恥，當初改名就應該知道有今天…

「睇下阿軒幾得意，係咁意講佢兩句塊面就紅扑扑。」





淇淇稱讚肥軒後，他的臉就更紅，肥軒今次一定沉船沉到落地核，淇淇是故意的嗎? 

「唔似某啲人，講兩句就起晒剛。」她又說…

「明明兩個人生得一模一樣，一個就正常咁多，一個就周不時發癲，點解差咁遠架?」我反擊。

「你兩個真係前世撈亂骨頭架喎，講唔夠兩句又嘈。」蒂蒂說。

「蒂蒂我俾面你，唔同佢嘈。」說畢繼續吃我的布甸…

為免再挑起戰火，我埋頭把甜品吃完，全程沒有望向淇淇。這場糖水宴亦就此落幕…