因為個火山孝子，我識左對孖妹: Ch.17

「你真係FF少陣好喎，人地話晒都係實況主，點會約你單獨食糖水啊?」我打算把肥軒從幻想中打醒。

「唔係單獨啊，淇淇叫我搵埋你一齊啊。」說到這句，肥軒明顯降低了抗奮的情緒。

「吓，條八婆又想玩咩啊，你唔係諗住要我一齊去吓嘛?」

「Exact7ly，去食下糖水啫，又唔係要去死。」

「我琴日都係幫下你啫，我已經得返半條人命，都唔知下次係食糖水定食毒藥啊，呢壇野咪再搞我。」我果斷拒絕。





「你只要應承去，我即刻上網訂支Martin，送到你屋企，你連琴行都唔洗去。」

肥軒又提出魔鬼的交易，條件極吸引令我猶豫不決，我不是怕肥軒走數，以肥軒的財力那把5位數的結他只算九牛一毛，我怕的是淇淇這個人…

可惜人是犯賤，明知山有虎…

「兩個星期內，結他要出現係我眼前，貨到我先會同你去，再講價免問。」

看似條件苛刻，但我已經作出最大讓步，因為我怕有結他沒命彈…





「大佬你點話點好啦，我當你應承架啦，我嘅幸福靠晒你。」肥軒激動地說。

「食個糖水啫，又唔係結婚擺酒，幸乜撚野福呀!」我又潑他冷水。

「就咁話啦，到時再約，我去同淇淇講先啦，bye。」他似乎沒有在意我潑他冷水。

約兩星期後，結他當真送來我家，雖然買結他應該要先試琴試手感，但不用自己付錢已經別無所求。經過一番調整後，我正要彈scale鬆鬆手指筋骨，電話突然響起…

起初以為是肥軒，我提起電話一看，是個陌生的號碼…





「你認唔認得我係邊個?」一把女生的聲音。

「屌你咩電話詐騙，搵食行遠啲啦!」說畢掛了通話。

我想再拿起結他時，又有一通來電，又是剛才的號碼…現在詐騙的人都是鍥而不捨的嗎?

我接通電話想破口大罵…

「死人謝霆鋒，你夠膽cut我線?」是剛才的女聲。

「打錯喎小姐，呢度冇謝霆鋒。」我已經知道是淇淇那個八婆。

「咁呢度有冇邱子峰?」

「第一，叫左你唔好響全朵，第二，點解你知我個電話號碼?」





「你個friend阿軒俾我，係咪唔得先?」

仆街肥軒，為了淇淇連我的電話號碼都出賣…

「個仆街仔冇用架啦，連我都賣。」

「係我逼佢俾我架，唔講呢啲住，我打嚟係提你記得聽日食糖水。」

「吓，聽日?點解冇人同我講嘅?」

「咁我而家同你講都一樣啫。」

「但係我聽日要返工喎大佬。」





「我理得你啊，總之聽日一定要嚟。」

「你痴線架，咁野蠻嘅。」

「你聽日唔嚟就死梗，係咁先，bye bye。」

我來不及回應，她就掛掉電話…