因為個火山孝子，我識左對孖妹: Ch.16

我的工作是在我家附近的便利店當個不斷重複動作的收銀機械人，還不時充當客人的出氣袋。

今天一整天忙於工作，直至下班後才有喘息的空間。我拿起電話來看，發現肥軒於稍早前傳了兩個訊息。

「峰哥，今次真係要你救命!」

「你放工之後call我。」

屌，明明昨天才弄完一樁煩事，還惹得一身麻煩，我的報酬還未得到。今天又有事，我到底前世欠了你多少…





我打算不理他把電話收起來時，肥軒已經來電…

「屌你，琴日先搞到我成身蟻，今日仲嚟?」我接起電話先破口大罵。

「唔係啊，今次真係要你救命架。」

「你連半支Martin嘅錢都未俾我，仲想我救你?。」

「你幫埋我今次，我成支買俾你都得啦。」





「你條仆街次次都咁講架啦，琴日你相又攞左，連條女都帶埋上去，又食又拎，我就乜春都冇!」

「咪就係因為你帶左淇淇上嚟，所以而家先要你幫手。」

又關我事?這就是所謂因果嗎?

「琴日你地走左之後，我DM淇淇多謝佢上嚟我屋企，佢同我講唔洗客氣仲加多個微笑emoji添。」聽得出肥軒的喜悅。

人家才一句禮貌回應，加個emoji就令肥軒沉過鐵達尼，我不禁為肥軒感到悲哀。





「你同條女啲野關我撚事咩，仲要專登打嚟showoff。」

「佢仲話如果真係想多謝佢，就繼續支持佢嘅台，間中donate就可以。」他越說越興奮…

經典釣火山孝子的話術，稍為有腦的人都不會中招，可惜肥軒中毒太深，要從泥濘中拉他出來幾乎不可能。

「咁你想我救你啲咩啊，要我打醒你叫你FF少陣啊?」

「唔係呢，佢話下次可以一齊食糖水。」

WTF?這是客套說話嗎?淇淇是撞壞了腦袋嗎?還是她想收肥軒兵?