關於我由細到大俾人除褲的那檔事: 第一章：天台公園

「無何、無V、無自解！」「10~ 9~ 8765432 1~ 我黎啦」

以前住嘅屋苑天台係一個好大嘅平台，其中一個位係一個公園仔黎，有遊樂場、有瀡滑梯，多數成班𡃁仔一放學就會衝上上面玩捉，有啲冇咁好動嘅就會上滑梯上層嘅平台玩BS卡。

小四果陣，我放學嘅活動都係上天台玩。只係我對玩捉呢啲咁刺激嘅遊戲興趣唔大，我上去嘅目的就只係為咗等另一個朋友，佢成日都會帶羽毛球上黎打，我都係想搵佢痴波打。

但當然啦，佢喺一間叻啲嘅小學讀書，自然功課同考試都借忙過我，所以我唔係每次都會等得到佢。好多時我都會自己坐喺滑梯底Hea住等。

滑梯底下有一個「秘密空間」，左右都有唔高嘅圍欄圍住，但入面又好反志咁有張牆凳，所以都係出名猛鬼嘅地方，好多時玩捉嘅人都唔敢自己匿喺度。



但我多數就會坐喺果個位等，始終果度比較靜，又唔會俾出面啲大人望住哂，係一個我嘅個人空間。

有一次我等緊朋友嘅時候，有兩個女仔走左入黎。