關於我由細到大俾人除褲的那檔事: 序章

我個名叫做阿俊，平時都冇咩特別興趣，身型普普通通咁，身高... 唉，唔好提啦。

我仲記得我讀小學果陣，雖然談唔上係「九流」嘅學校，但就算用「八流」黎形容都不為過。冇辦法啦，要怪就怪我本來天資比較蠢少少，喺一間高排名小學嘅入學小組面試俾其他細路串到冇聲出。

雖然呢間學校嘅學生的確係曳啲，但無可否認我可能喺呢種環境仲覺得自在，始終煩少好多嘢，日日都係掛住玩咁過咗。

我地學校冇乜鍾意蝦蝦霸霸嘅人，始終大家果陣都仲係小學生。但係我地班嘅男仔嘅興趣好奇怪，就係鍾意玩「除褲」。

其實都算唔得上係奇怪架啦，始終呢個都好似係唔少人兒時鍾意玩嘅嘢。



點都好啦，我有做過受害者，都有做過施襲者，好多時候我地都係肆無忌憚咁喺班房到除其他男仔褲，然後笑下對方底褲嘅顏色就會收手。

多數同一時間班上嘅女仔都係會起哄，最後又會睇埋一份，甚至有啲女仔會落場玩埋一份。

呢個就係我地學校嘅生態。