出租女友: 《第九話 突發的求救》
（劇情神一般嘅展開，和也同水原機緣巧合成為（情侶），然後水原竟然同和也係同一所大學嘅學生，依家水原仲要係和也嘅隔離屋出現）
「點解水原你會係隔離屋出嚟？」我頭上正充滿一個二個問號。
（對於一出門就見到和也嘅水原，一開始都表現好驚嚇，不過聽完和也講隔離屋三個字，水原立即板起塊面）
水原點解會黑晒面咁呢？
（水原一言不發，一下了就衝返入屋，嘭一聲閂埋度門，和也見狀，好似個變態咁踎係水原門口，推開信箱呼喊）
「水原同學？係咪水原同學呀？呀唔係，應該係一之瀨同學至啱。」我焦急咁想確認眼前人係咪真係水原。
「點解你會喺呢度㗎？」水原坐咗喺門口地下質問和也。
「咩點解點解？事實就係我住喺你隔離囉。」我真係唔係好識答水原，然後水原就大聲叫出嚟：「唔準同我有交流呀！干涉都唔得！深究都唔準呀！」
（水原一下相當大力咁拍落門度，嚇到和也退避三舍）
「咩事呀？將我當成跟蹤狂呀。」我覺得不可思議，心想水原真係一如既往嘅自我中心，真係唔敢想像佢係咪真係同我一齊去探嫲嫲嘅嗰個人。
（和也同水原二次偶遇之後，和也都無再見到水原，亦照水原所說無去深究，不過事隔兩日和也嘅朝早就收到一個可怕嘅tg）
「太想見千鶴公主啦，所以問醫院攞咗外出許可，下晝就會去你屋企，你今日應該唔洗返學，就麻煩你執一執屋」呢個就係嫲嫲tg嘅內容。
（和也依家一臉徨恐咁望住個電話，啞口無言咗幾秒鐘，然後就趕緊將違禁品收起，不過收拾間，和也現都青埋咁企喺度思考）
「喺呢度單獨同嫲嫲講我同水原分咗手，應該會俾嫲嫲打死，打死事小，萬一嫲嫲收咗打擊，大吵大鬧然係暈咗就大件事。」我諗到咁嘅情況冷汗都標晒出嚟。
（危機迫在眉睫，和也決定去按下水原屋企嘅門鐘）
（叮噹～水原本能反應地去打開大門，一開門再一次見到和也熟識嘅五體投地）
「求下你，再多一次，扮我女朋友。」我誠懇咁向水原求救，不過水原燥燥地咁講：「你係咪喺度搞笑呀，我哋咪講好咗絕對唔會再有任何交流囉。」
「求下你，我嫲嫲話佢今日會嚟我屋企，一個鐘頭就夠，唔係，三十分鐘都夠，錢我係會俾足㗎」我都知我哋有協議在先，不過我繼續炸傻扮懵咁求水原。
「無可能呀，事務所規定係唔可能入客嘅屋企，連車都唔得，係成年人的話都應該明白點解啦，再講，事前無通知事務所就接客我係會被人炒㗎。」水原理性咁向我解釋難處，不過我就好似無賴咁死纏難打：「唔…唔會被人發現㗎。」
「唔得，即然係你自己講大話，就應該自己去面對，唔好好似個細路咁一拖再拖，況且我本身今日就要趕assignment，所以係咁啦，唔好再揾我」水原狠下心腸咁對我講。
（和也被趕上絕路，仍然跪係水原門前苦惱，時光飛逝，和也嫲嫲就抵達和也屋企）
「點解你間屋咁亂㗎，完全唔似有女朋友幫你執屋咁款。」嫲嫲直覺敏銳咁講，然後嫲嫲繼續講：「係啦，千鶴公主仲未嚟嘅？今日佢應該都唔洗返學㗎。」
（聽到嫲嫲提起水原，和也即時面有難色）
「呀…唔…呢層呢…返工！係啦，要返工，聽講係臨時接嘅。」我支唔以對咁對嫲嫲講，嫲嫲好似亳無懷疑咁話：「咁等到夜晚就可以見到千鶴公主，邊執屋邊等啦。」
（和也心知不妙，知道木之下女士直到夜晚都會呆係屋企，時間一分一秒咁過去，好快天開始黑，和也顯得越嚟越不安）
「話時話，千鶴公主仲未嚟嘅？」玩住手遊嘅嫲嫲突然開口問我，我吃驚咗一下，然後尷尷尬尬敷衍嫲嫲：「呀…係囉，仲未嚟嘅。」
「去打個電話問下啦。」嫲嫲催促我，但我其實根本就唔知水原電話號碼，所以只有扮打電話：「喂喂…嗯…嫲嫲佢已經嚟咗啦…你仲忙緊呀…」
（和也知道再拖都無辦法打發木之下女士，所以邊扮打俾水原邊行出屋外，和也一閂埋門就飛奔去水原門外㩒鐘）
（經過朝早嘅教訓，水原有咗戒心）
「邊位？」水原向門外大聲提問，我靈機一觸鏈住個鼻扮聲講：「你有掛號信呀。」
（水原如常去開門，一開門見到嘅係和也嘅時候水原立即想閂門，不過和也都反應不輸水原咁雙手拉住度門）
「求下你，一分鐘就夠，十秒都好，我嫲嫲真係好想見到你。」我邊出九牛二虎之力邊對求水原，不過水原一如既往狠下心腸怪責我：「邊個叫你唔坦白同你嫲嫲講我哋分咗手姐，放手呀，再唔放我就報警㗎啦。」
「我去買甜品俾你好唔好？你幫下我啦。」我已經急到語無倫次，希望打到出奇牌打動水原。
（一番激烈嘅拉鋸戰，大門嘅防盜鏈首先投降，啪一聲，和也失去平衡跌向水原，水原極速推開和也，然後起勢咁踢開和也）
「出返去呀！我真係要報警呀！」水原怒氣沖沖咁喝令我，我著急咁安慰水原：「你冷靜啲先啦。」
（和也真係好似被逼到懸崖邊咁走頭無路，大聲咁向水原求救）
「求下你，就當係救人一命，好歹我哋都叫係拍過一次拖嘅朋友，睇住我就死，唔通你一啲同情心都無嘅？」我真係希望咁樣可以打動到水原，不過事與願違，水原怒氣不減咁講：「都話咗我只係Part-time GF。」
（水原最終都一腳伸咗和也出屋，然後秒速閂門上鎖，與此同時，木之下女士都開門想睇下和也做咩講電話講咁耐）
「和也，你想講電話講到幾時呀？」嫲嫲一開門問候我，我就已經若無其事咁坐喺地下繼續扮講電話：「咁樣呀，真係唔ot 唔得呀，辛苦你啦，byebye。」
「和也！邊個會坐係走廊講電呀，快啲返入嚟。」嫲嫲似乎聽到水原要ot 心情有啲不悅，不過應該總算可以瞞混過關。
（二人返到去屋內，和也去廚房籌備晚飯，順便想問木之下女士意見，不過和也察覺到木之下女士一臉悶悶不樂，內心有啲糾結）
諗返起水原話過自己嘅大話就要自己解決，我果然只能夠做好覺悟，我就係廚房叫出廳同嫲嫲講：「嫲嫲，其實呢…我有話想同你講。」
（水原呢個時候亦喺度煮緊晚飯，究然諗返聲稱就死嘅和也，水原都好好奇木之下女士離開咗未，所以就探頭出露台八掛一下，點知一探頭就聽到木之下女士發言）
「已經分咗手啦，係咪呢？」嫲嫲講帶哀愁咁搶先一步問我。
（和也同喺露台偷聽嘅水原都同時被嚇一跳）