(輕鬆 | 校園) 只有一年回憶嘅高中生涯: 6章 – 得來不易嘅球賽

如果讀者喜歡此故事，希望你能正評+留言，或到penana點「喜歡」，謝謝你的支持！
 
https://www.penana.com/story/90093/輕鬆-校園-只有一年回憶嘅高中生涯
 
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
 
6章 – 得來不易嘅球賽
 
「唉…仲有成個鐘…」
 




某日，我對住倒數緊嘅計時器溫書做練習，個心好艱難先靜咗落嚟專心溫書，成朝進度幾理想。
 
「二元一次方程我溫完啦！好，下一課！」
 
我拎下一本碌屎出嚟嘅同時，我老母出咗嚟廳。
 
「…」
 
佢打開咗電視電制。
 




屌那星喇呢次。
 
電視︰「外國新冠肺炎情況嚴重，單日有三十萬宗新增個案，而我國已經連續N日冇新增個案……」
 
「喂！我溫緊書吖！熄電視得唔得呀！」我拍枱講。
 
仲要睇呢個台，煩唔煩呀！
 
「我睇電視阻住你咩？你咪繼續溫囉。」
 




「你開住電視我點溫呀？」
 
「唔通放假連電視都唔睇得咩。」老母開咗包薯片。「你都唔撚係讀書嘅，收皮啦你。」
 
身為老母你咁講啲咁嘅嘢，你應該鼓勵吓你讀書唔叻嘅乖仔喎。
 
「唔合格之後爽手出嚟做嘢俾家用吖，唔係屎都有得你食；個洗衣機我落鎖添呀，你同我醒醒定定。」
 
唔係幫我諗肥咗之後點算好，而係諗肥咗之後點對付我，你真係出色老母。
 
電視︰「快啲打針，就快啲通關，齊打疫苗！」
 
屌！好煩呀！
 
嗶嗶嗶嗶───




 
有電話？
 
「喂皮蛋，咩料？」
 
皮蛋︰「書銘話打波，問你哋得唔得閒，冇腳就番去打飛機。」
 
又打飛機，而家一年三百六十五日打到條J變花灑都得喇仲打，唔攰咩？
 
「我鬼有話打飛機吖？」皮蛋嗰邊隱約傳嚟書銘把聲。「屌你喺我面前加鹽加醋！」
 
「鬼叫你哋班仆街成日叫我皮蛋吖？」
 
我︰「喂，你同書銘出咗嚟喇咩？」
 




「條友係出咗嚟先想搵腳打羽毛球。」
 
「好吖好吖，我出吖，反正留喺屋企溫唔到書。」我特登講大聲啲等老母掘住我。
 
「咁『老地方』等喇，帶球拍。」
 
等我以為去邊打，心諗︰運動場開咩？家陣肺炎爆到閂晒室內場所。原來係「老地方」。
 
「哦。」
 
我屋企電腦喺廳，老母放假喺屋企睇電視真係溫唔到書，不如去打吓波好過，呼吸吓空氣，精神啲，效率可能好啲。雖然而家肺炎，落去呼吸空氣都唔知有冇事…呢排新聞話確診人數少咗，又係去「老地方」，冇事掛？
 
唉，真係弱智，落吓街都要咁多計算，都唔知邊撚個搞到全香港爆到七彩咁。
 
我洗咗個面，擸咗支球拍就出門。




 
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
 
「其實『老地方』都唔錯吖，反正都冇咩人。」
 
香港就係出名人煙稠密，度度都係人。肺炎時期想避開人流又想出街，唔係咁易。好彩，我哋五個有一個由中一開始就發現嘅好地方，好的尖，人流唔會多。
 
「唯一唔好處係…哈…佢喺山上面，交通唔方便囉…」
 
明明而家係冬天，爬坡嘅我背脊流緊汗，開始想除衫。
 
「終於到喇…」
 
光秀︰「輝記真係出咗嚟，近排佢真係易叫。」
 




書銘︰「係咪轉撚咗性，以前叫幾次先出得一次；而家次次都出。」
 
係囉，其實點解呢？
 
「我俾面你哋都俾人懷疑，有冇天理？哈…」我喘住氣咁講。「你哋好早到咩？咁快齊人嘅？」
 
麗連︰「呢個位係我同光秀最先搵到，我哋就住山腳，點會慢呀？」
 
山上面嘅配水庫公園，夠晒的尖，的尖到冬天行上嚟都流晒汗。我明知而家有口罩令，但係都除咗口罩，因為運動緊係唔洗戴。
 
「嘩屌，真係恍如隔世，好似好耐未試過出街唔洗戴口罩！」我除咗口罩，不停用手撥風講。「口罩都濕撚晒。」
 
「你好搵個袋入好佢呀，唔係落到山俾人捉到罰五千架。」光秀親切提醒。
 
「好好好。」於是我放咗個罩入銀包，當然有用膠套包住嘅。「我終於都明女人出街喺有幾辛苦。」
 
「喂喂，你想講咩呀？」感覺到我想講淫嘢咁，麗連講。
 
我︰「我終於明女人戴波罩點解咁辛苦，多一件真係好熱。」
 
「阿輝記，你係帶口罩，唔係戴波罩，我哋而家戴晒都未好似你咁多嗲。」麗連拉咗兩下衫領講。
 
「係喇係喇，你哋著衫最多喇。」我拎起咗支球拍。「係咪打波吖？終於可以郁吓個人。」
 
書銘︰「你平時冇出街咩？」
 
我︰「有鬼！我阿媽一日到黑唔想我出去，飯都買埋俾我食，話出街有病毒叫我少啲出。對住四面牆好撚辛苦呀！」
 
「係嘅，人冇運動真係好撚慘。好，咁今日我做你對手喇！」