男友出軌，我決定送26頂綠帽比佢: J for 無腳既雀仔（6）

「上我屋企好唔好？」

「嗯。」

Josh住係唐樓，飲醉酒，要爬七層樓梯，絕非一件易事。我地行下企下，又坐係樓梯歇下。

「到啦！」

兩個人攤屍咁撻落沙發，燈都懶得開。





佢張沙發好軟，一坐落去，就企唔番起身。

Josh合埋眼，我挨個頭埋去，佢隻手順勢搭係我條腰，輕輕咁掃。

我地靜靜聽住對方既心跳聲。

「我地而家係咩關係？」Josh突然問。

錫完攬完，連屋企都上埋，差在未上牀。係乜關係呢？





「點知你。」我將個波拋番俾佢，邊個做主動，邊個負責任。

佢攬實我：「你想要咩關係？」

係酒精既作用下，我個腦好似短路，無法正常運作。

「唔知道。」

我梗係想拍拖，但佢唔似係想穩定落黎既人。我驚太誠實，會嚇親佢。





「自己想要乜都唔知？」Josh摸一摸我塊面，換咗個問法：「想搵人拍拖？」

「想搵你。」我迴避佢既問題。

「認真問緊你架。」

「咁我要認真答你先得。」我湊近佢隻耳仔，呼一聲吹氣入去。

嘻嘻嘻嘻嘻。

「乜你唔知道，耳仔係男人既G點黎架咩？」Josh捉住我隻手。

我梗係知道。

我特登伸條脷出黎，係佢耳窩附近輕舔打轉。





「Fuck !」

Josh一個把持不住，將我拉向佢，我索性坐埋上佢大脾。

佢拉低我條裙，我攬住佢唔放，彼此互相愛撫。

Josh猛地將我壓係身下。

佢捉住我對腳，兜上他條腰，隔住件衫同我磨黎磨去。

我聽到液體扑哧扑哧既聲音。

佢一路錫我個嘴，一路摸向我大髀內側。不知不覺間，佢隻手指已經撩入我條底褲。





四目相投既一剎那 。

直覺話我知，佢同我搞野，唔係因為感情，純粹出於慾望。

佢需要一個有陰道既女仔，而我係佢面前，就係咁簡單。

就算我地肉體上有幾親近都好，心與心之間都係有距離。

我沒來由地覺得害怕。

我縮咗一下，㩒住佢隻手： 「唔好。」

「點解？」Josh一臉疑惑，錫咗我一啖：「你無feel咩？」

唔係無feel。而係我驚扑完之後，再次俾人拋棄。





陰影始終揮之不去。

大概以後每次同人做愛既時候，我都會諗起丁家岐。

你聽唔聽到？丁家岐，我好憎你呀！！！

「好似太快，我想慢慢黎。」

Josh耷低頭：「你話點就點。」

我睇唔到佢表情，唔知佢有乜諗法。

「其實點解你唔氹我？」我問。





話唔定氹多我兩句，我就會心軟，肯同你做埋落去。

明知係假係做戲，但仍心甘情願俾人呃，錯把甜言蜜語當真話。

係咪因為太缺愛呢？

Josh爬咗起身：「你情我願先好玩，我唔會強人所難。」

我哦咗一聲。

但係如果個男人循規蹈矩，又會懷疑自己係咪無魅力，唔值得佢投放時間。

心思千迴百轉到呢...

女人果然係來自火星既生物。

「如果你想，可以走先。」Josh一邊扣鈕一邊話：「我最唔中意嘥人時間。」

「好呀 。」我故作淡然咁企起身。

其實我唔係好想走。

唔係因為貪戀佢既溫存，而係因為張沙發真係好好坐。

不過主人下咗逐客令，無理由賴死唔走既。

「我送你出去。」

落樓梯，行出門口，心境已經唔同哂。

酒意散去，曖昧之後，其實我同Josh只係兩個萍水相逢既陌生人。

「你成日帶女仔番去搞架？」我隨口又帶點好奇咁問。

「咁梗係唔會，順眼有feel先搞得落。」

「之後仲會唔會keep contact?」

「keep唔keep都得，係佢地自己話要軌纜，我就無所謂。」

女仔因愛而性，所以屌屌下就會沉船；男仔因性而愛，性愛分離界限分明。

「有冇邊個同你傾得最耐？」

Josh 搖搖頭：「我唔太需要拍拖，佢地接受唔到呢樣野，又改變唔到我，自然會走。

乜野都有期限，熱情同迷戀都係。」

就正如性烈如火既咪咪，單純痴情既蘇麗珍，都無辦法留得住旭仔。

「我...」

Josh見我欲言又止，望住我。

分手後既空虛與迷茫，愛而不得既寂寞，有好多情緒湧上心頭，好多野不吐不快。

「我唔知自己想要咩。」我悶悶不樂咁話。

值得我付出真心既好男仔，我無好好珍惜；玩世不恭既情場玩家，我認真咗。

「其實我都唔係好知。」Josh苦笑。

因為唔知想要乜，所以先會一直飛啊飛，不停尋尋覓覓。

「你果然係隻無腳既雀仔。」

「或者啦。」佢聽到我咁講，輕輕一笑。

「送你到呢度。」Josh突然停低腳步。

「嗯，你走先啦，我自己等車就得。」我面帶笑意。

「bye啦。」佢求其同我揮咗下手。

我望住佢離開既背影，經過便利店，經過粥店，經過泊係路邊既摩托車。

最後消失係條街既盡頭。

徹徹底底地。

唯一留得低既，就只有佢殘留係我身上既味道，仍然揮發著餘香。