男友出軌，我決定送26頂綠帽比佢: 第一次不快樂 （中）

丁家岐又真係無呃我。

推到最入之後，果然舒服好多，我唔再掙扎，成個身變得好軟好軟，隻手無咩力咁垂低，任由佢擺佈。

佢捉實我對腳，腰部發力。

一抽，一插，一抽，一插。

突出既頭，不斷進出磨刮我既私處。



係充實同空洞之間來來回回。

伴隨住一下下撞擊，張梳發開始有規律咁晃動，身下既滑液交纏，啪啪作響。

過咗幾分鐘，一股熱流向上沖，裡面由硬變軟。

好似無咗生命咁。

丁家岐離開我身體時，好似掹出原本插堵傷口既刀咁，我又再痛一次。



我們互相對望，全身都係汗，一齊索哂大氣。

「係咪完啦？ 」我忍唔住問出口。

「完啦。」丁家岐扯咗幾張紙巾過黎，抹完佢自己，再幫我輕輕拭擦。

平時聽啲男仔講，咩一日七次郎，咩可以折騰成晚。當然，我都明白，當中吹水成分居多。

不過，第一次既時間，好似比我想像中短...先維持咗五、六分鐘。



啱啱進入狀態，都未享受到高潮，咁就完了。不得不說，個收尾來得有點突兀。

不過是但啦。

已經無得番轉頭，做咗就係做咗。

咁就破咗處。

咁就畀咗個初夜佢。

從今日起，我唔再係女仔，而係女人。

紙巾捲成一團團，上面有黏笠笠既乳白色液體，有透明既水，仲有淡粉紅色既血絲。

情慾既味道仍然揮之不去。



我坐起身，拉番低條裙，佢著番好條褲。

我無去望丁家岐，佢亦無望我，大家坐得好開，隔咗大概一個位既距離，望住架電視，聽住此起彼落既炮火聲，dead air咗，無野好講。

都唔知講咩好。

我不合時宜咁諗到，時至今日，電視既作用已經唔係用黎睇，而係播啲聲出黎嘈下，消除靜默同尷尬，打破冷場。

真係一項偉大既發明。

丁家岐突然握住我隻手：「你覺得點呀？」

「咩點啊？」我仲未回神，一臉茫然咁問。



「我平時唔會咁快架，今次係第一次，所以先...咁快。」佢有啲緊張咁解釋，好似對自己既表現唔多滿意。

仲以為佢問我痛唔痛。

「我覺得還可以啊。」我笑咗一笑，其實我都係鳩嗡，因為淨係同佢做過，無得比較，唔知道咩叫好咩叫唔好。

「真既？」丁家岐喜出望外咁問，似乎因為我既肯定而回復番少少自信。

「嗯。」我點頭。

跟住又靜咗。

電視劇裡面既情侶，係呢個時候，應該要攬埋一舊，講下啲不設實際既廢話。

例如：我會養你，你既幸福，以後由我負責。



又或者：以後你就係我既人，我唔會辜負你，我地會永遠係埋一齊。

以上既對話，並無出現係我同丁家岐身上。

「你攰唔攰啊？」佢終於問咗句。

「少少。」雖然我只係瞓係度，唔使出力。

「咁不如今日唔好溫書，休息一日。」佢提議。

發生咗咁大件事，都唔會溫得入腦。

「嗯。」佢唔提起溫書，我都唔記得呢個先係我上佢屋企既目的。



係咪每對情侶溫書都會溫上牀架？我暗忖。

「其實我無諗住同你做。」丁家岐一本正經咁話。

我望住佢。

佢咁講係咩意思？無諗住同我發生關係...咁係咪姐係做完唔使負責任？

我內心既不安全感突然爆發，不過我無講出黎。

「我都估唔到會係咁。」無係酒店做到既事，居然會係佢屋企做咗。

「係咯，我連套都無買到。」丁家岐笑住咁話。

話剛落下，我地兩個好似當堂一醒，臉色微變，同時碌大隻眼。

「弊啦！頭先無戴套呀！」

「咁點算啊？我會唔會有咗架？」我嚇到就黎想喊。多數想生仔既生極都生唔出，唔想生既往往一擊即中。

我仲咁細個，未準備好做媽媽。

「你會唔會對我負責任架？」十月懷胎、養大一個小朋友要四百萬、要買奶粉、要搵幼稚園......我諗到好遠好遠。

「唔好嘈住先。」

丁家岐皺起眉頭，拎部手機出黎search「無戴套 事後避孕」，佢成隻手震哂，好幾次部手機仲差啲跌埋落地。

我係隔離，好心急咁望住個屏幕，今日既網速點解咁l慢架。

「事後避孕藥應在發生性行為後48小時內服用，越早服用越有效。惟服用後，仍有可能受孕，並會出現副作用，擾亂月經周期。」

經期紊亂事少，搞出人命事大。

「邊度有得買啊？」我問。

「落樓下藥房睇下咯。」

事不宜遲，執好哂野（其實所有書原封不動），即刻沖落最就近既藥房。

偏偏前面有一大堆人排緊隊，買撲熱息痛買清熱酷買退熱貼買幸福傷風素......明明我先係最urgent果個。

「如果我真係有咗，你會負責任架係咪呀？」我細細聲咁問，驚其他人聽到。

「有咗先算。」丁家岐仍然迴避我既問題。

「哦。」我晦晦氣氣咁應佢，呢句都唔係我想聽既答案。

見我臉色唔對路，佢又加番句：「唔好自己嚇自己啦。」

唉，越等心情就越沉重。