男友出軌，我決定送26頂綠帽比佢: G ： G奶擒拿手 (2)

「你件校服呢？」我揀緊上Zoom堂用既濾鏡，呢個靚係靚，不過太假；呢個好，皮膚望落白啲，隻眼又大啲。

「好似唔記得帶黎。」丁家岐摷咗一大輪。

「上星期提咗你啦。」

「掛住見你，咩都唔記得。」丁家岐係廁所拎番件裇衫同呔出黎：「我著西裝算。」

佢好自然咁係我面前換衫，琴晚乜都睇哂啦，無野好怕羞。





「老婆，幫我打呔吖。」

我將條呔交叉疊放，繞一個圈，係上面拉番落黎：「會唔會太緊呀？」

「勒唔死我就得。」。

「做咩突然叫我老婆呀？」

「我們唔似一對老夫老妻咩？」





「你就老呀。」我笑得甜絲絲。

「老過你一歲咁多。」

「應該叫老夫少妻。」我糾正佢。

「咁要睇實你先得，等陣你俾人拐走咗，我頭頂就多咗頂綠帽。」

我諗我知點解啲人咁中意去staycation：





扑野...係其中一個原因。

更重要既係，可以體驗下同居生活，玩下角色扮演。

以後結咗婚，如果我起到身，我就會煮早餐俾丁家岐食，幫佢打呔，提醒佢唔好忘記呢樣果樣，（佢嫌我長氣我就打佢），然後企係門口，目送佢番工。

「我地叫定早餐先。」

丁家岐叫咗個Egg Benedict，有得配煙三文魚、牛油果、煙肉、腸仔、蘑菇......

我就揀咗個鮑魚粥、雞湯米線、拉絲芝士火腿奄列，飲伯爵茶。

「你真係妹仔嘴呀，呢啲普通茶餐廳都有啦！」丁家岐取笑我。

「下...咁我揀過啦！」





「算啦，你中意咪叫。」丁家岐將全部配菜都剔哂：「如果你唔夠，本少爺可以勉為其難分啲俾你食既。」

平時上實體堂，都可能有一兩個人應下，上Zoom堂就唔使旨意啦，個個靈魂出哂竅。

丁家岐開始同同學連線打機，我用chat room同魚蛋、阿瑩傾偈。

阿瑩：詩韻又掛機扮上堂

我：佢每15秒就會點頭，每30秒就會露出女神般的笑容

阿瑩：點做到架？

魚蛋：好簡單，down番個obs virtual camera，影條片，禁循環就得架啦。





魚蛋：係喎，阿婷你係酒店？

阿瑩：婷婷你同丁家岐......

阿瑩：有無扑到？

魚蛋：扑咗幾多次？

我：唔俾佢扑，要做冰清玉潔的乖乖女

叮一聲，門鈴響。

「我去拎啦！」丁家岐跳落牀。

我玩心大起，調轉佢個鏡頭，錄低佢上身著裇衫下身著底褲既樣。





結果成班笑到仆街，狂俾like我：「婷嫂好耶！」

丁家岐已經估到咩事，仲好風騷咁對住鏡頭扭屎忽拋飛吻。

連老師都忍唔住笑埋一份：「既然今日咁開心，我地提前落堂，唔俾功課啦，俾咗你地都唔會做。」

......

食完野，繼續靈魂出竅。

禁下淘寶、上下BeautyExchange、睇下今年最新星座運程......碌到無野好碌，去IG望下果個咩G奶擒拿手先。

2022年2月15日
在一個寒冷而抑鬱的冬夜




走進來一個大波妹
醫生 我喉嚨痛得死去活來
我肯定是得了性病

別怕 你只是中了Omicron
一生人至少會中一次
為了確保病菌沒有擴散
我揸了她的波和摸了她的lin
還讓她留院觀察一晚

第二天
我發現我也中了Omicron
我想
一定是大波妹傳給我的
她肯定趁我睡覺的時候
偷偷親了我一下
把沾有病菌的口水
放進我的口腔裡

既然我們同病相憐
接下來是該交配 還是交往嗎
都不是
我們是要交換病毒
大波妹脫下我的褲子
對著我的小雞雞說
來吧
你的唾液 肯定能治百病


一首鳩吹既鹹濕詩，有一大堆毒撚俾like，係正常不過既事。

最神奇既係，佢既女讀者同樣唔少，文藝姐姐、大胸美女、可愛妹妹、性感OL......好似收後宮咁一應俱全。

有個叫Rachaelnotrachel既女仔，應該係佢既頭號粉絲，每個post都有佢既留言。

Rachael : 多謝你既文字，陪伴我度過每個無眠長夜。
G奶：你中意就好
Rachael : 沖完涼 睇完文 食咗安眠藥 數咗一萬隻綿羊 都係瞓唔著點算？
G奶 ：DM我 陪你一齊等天光吧^^

睇黎G奶除咗征服小說既女角外，仲好俾心機，征服埋現實世界既女讀者。

不過都係既，無番咁上下功力，啲女又點會俾佢既文字charm到，願意同佢上牀呢？

我禁入佢個動態。

【在線服務，你問我揀黎答：輸入內容。】

我：你真係會呃女讀者架？

我會唔會問得太直白而且無咩禮貌 ...

G奶不但秒回，仲打咗水蛇春咁長既回覆。

G奶：識呃人係作者既專業操守之一。我會呃女讀者...既時間，睇下我既小說，中意就同我傾下偈，但唔會呃佢地既身體。