男友出軌，我決定送26頂綠帽比佢: F ：貓.雪糕.傳染病 (3)

提起世界末日，我腦海即刻浮現一個畫面：晴空萬里既天空，突然被厚重既烏雲吞噬，建築物好似骨牌，一棟接一棟倒塌瓦解，伴隨住一片哀嚎聲，所有人身陷汪洋火海之中。

最後悔無做既事係咩野？

我認真諗咗一諗。

「大概是沒有好好看一次日出吧。」講完之後，突然好有衝動，想打電話俾丁家岐，約佢去大帽山睇日出。

呢個政府咁中意玩野，玩到無野好玩既時候，就會玩埋封城。宜家再唔上山睇，遲d想上都無機會。





不過，天氣咁鬼凍，要著成五六件衫先保到暖。包到成隻糉咁，好難睇呀。

我體力又咁差，都唔知要爬幾耐先上到去，萬一低溫症發作，要call直升機救我走，上埋新聞就醜死怪。

仲有，就算我真係無穿無爛、手腳齊全上到去，一個唔好彩，只得霧睇，咁咪白行一趟？

綜合以上三個理由，再加上日出日日都出，丁家岐又唔會消失，都係等冇咁凍先再算。

「為什麼不看呢？」





「因為我起不了牀。」

「看來你不僅是為食貓，還是懶瞓豬。」Flynn粵普夾雜咁開我玩笑。

「你廣東話講得唔錯吖。」

「謝了。」Flynn舒展眉頭一笑：「看不到日出，去看日落也是不錯的主意。」

一句突破盲點，反正都係同一個太陽：「你說的也是。」





「你呢？」我問。

「我嗎？好像...沒有。」Flynn望住我，欲言又止，最後都係搖搖頭。

「真的沒有？」點會無呀？無同女朋友係學校扑野、無同女神表白、無係上堂打飛機、無屌過Miss、......我隨口嗡都三四樣，天知道男仔仲有咩千奇百怪、想做又唔敢做既幻想。

唔通佢既幻想太瘋狂，講唔出口？

「真的。」

「那你成天跟貓咪在說什麼呢？」

「不跟你說。」

「小尾呀，佢同你講咗咩呀？你話我知，我請你食罐罐。」我輕輕摸佢隻耳仔。





小尾一聽到罐罐兩個字，即刻撲過黎，係我個袋度亂抓一通。

搵唔到，就對住我叫：「喵~喵喵~喵喵喵喵喵~」

「這小傢伙，還好你不會說人話，不然就把我給賣了。」Flynn無好氣。

「不說就算了。」我一啖食咗甜筒底部既朱古力，轉咗個話題：「對了，你覺得有封城的可能嗎？」

「也許吧。」Flynn停頓咗一陣，「香港政府總愛把本來就一團糟的事情，變得更壞。」

「你覺得香港是一個怎樣的城市呢？」

「我要認真地回答你嗎？」





「不，隨便就可以了。」

「你知道卡繆是誰嗎？」

「嗯。」卡繆就係果個擔住支煙、型撚到可以做自己小說封面既法國作家。

「看過他寫的《鼠疫》嗎？」

「啊？沒有啊。」聽過個名，好似係講傳染病既。不過，我又點會辛苦自己，去睇埋啲艱澀難明既哲學書。

「他說過，要熟悉一座城市，也許最簡單的途徑，是了解生活在其中的人們如何工作，如何相愛和死亡。

在香港，每個人都在努力地加班工作。彷彿他們生存的目的，就是為了賺錢。」

「這也是沒辦法的事。」鬼叫香港物價咁高咩。淨係租房，已經用咗七八千蚊，仲未計埋水電煤氣；去茶餐廳吃個飯，又無咗四五十塊。





「工作忙了，愛情就自然淡了，到最後大家都厭倦了彼此。還不如一別兩寬，各自尋歡。

至於死亡，可以分為肉體上的死亡，還有精神上的死亡。你懂的，我就不多說了。」

「既然這裡的生活如此枯燥乏味，你會留下來嗎？」

「我會。」

「為什麼？」新通過既國安法，明目張膽既打壓，日漸收窄既言論自由.....連香港人都逃難咁去哂外國。

「因為這裡有我珍惜的一切。」

「女朋友嗎？」





「不是。」

「因為這隻貓嗎？」

「其中一個原因吧。」

呢個時候，我部手機響起。

我拍一拍個頭。係喎，我落黎係去買啤酒，點解變咗同人吹水食雪糕。

即刻拎起地下既膠袋，起身走人：「我得回去了，家裡的人還等著呢！」

「你什麼時候再來呢？」 Flynn叫住我。

團年飯得一次，下次黎可能都要明年今日。

「怎麼啦？這麼快就想我啦？」

「我想介紹一個人給你認識。」

「是誰呀？」

「再多等幾分鐘吧。」

我坐番低，小尾忽然勾住我大腿，一臉悽楚哀怨，用水汪汪既大眼睛望住我，好似想我帶佢番屋企。

無幾耐，一個男仔行咗過黎，仲著住7仔既制服，應該係啱啱收工。

Flynn好似下咗好大決心，拖起佢隻手： 「這是我的男朋友。」

唔止我呆咗，連果個男仔都呆咗一呆。睇佢地既反應，應該兩個都係第一次：第一次介紹對方，第一次被承認身份。

不過，佢地既眉眼好快就充斥笑意。

就算真係末日，睇怕佢地都無野後悔未做。

既然呢度無我既事，咁我真係要走啦。再唔返去，成班親戚都會落黎追殺我：「預祝你地情人節快樂！」

「你都係！」

「下次再黎探你啦！」我同小尾揮揮手。

小尾喵嗚一聲，轉身鑽入草叢。