男友出軌，我決定送26頂綠帽比佢: C : 海盜不能沒有女 (1)
翻到屋企，聞到香噴噴既飯菜。
阿媽係廚房伸個頭出黎：「咁快返黎既？同丁仔溫完書啦？」
又難怪佢會咁驚訝。
平時既星期五，我無九點都唔會出現。話就話係去溫習，實則上呢，自修室既冷氣仲凍過殮房，溫唔到半個鐘，就俾丁家岐叫咗出去，話驚我凍親，要攬下抱下取暖喎。
「嗯。」提起丁家岐，我就覺得無癮，講半句都嫌多，唔想繼續呢個話題。
偏偏阿媽繼續問落去。
「呢排好少聽你講起佢喎。」佢捧住碟薯仔炒牛柳骨出黎。
「無咩特別，咪又係咁。」我好敷衍咁略略帶過。
「就快考公開試，唔好日日掛住拍拖。」
大人唔明點解我地淨係掛住拍拖，我們夠唔明白，點解佢地開口埋口都係讀書。兩個世代，一個跨唔過既代溝，五十年不變。
「知道啦，我去沖個涼先。」我除咗個口罩，大大力掉落垃圾桶。
我禁著熱水爐個制，企係度呆等。
記得啱啱同丁家岐係埋一齊既時候，阿媽極力反對我拍拖。
「婷婷，丁家岐係邊個呀？」
拍拖，梗係想全世界知道。我鼓起勇氣咁話：「佢.....係我男朋友咯。」
「你學人拍拖呀？」阿媽臉色即刻變咗。
「我中意佢，佢都中意我。」我把聲即刻怯一怯。
「你咁細個，等大學先拍拖都未遲啦，宜家要專心讀書，唔好係度埕埕塔塔！」阿媽開啟嘮叨長氣模式。
到時就遲哂架啦。感覺過咗去，就無得番轉頭，丁家岐亦唔會係原地等我。
更何況，就算我唔拍拖，都唔會溫書架啦。
「我同丁家岐係真心相愛。」我再一次堅定我既立場。
「你唔聽我話呀？」
「我宜家咪聽緊咯。」我語氣唔多妥佢，但係又要壓抑住。
「咁你打電話同佢分手，講清楚，費事拖住人。」呀媽塞咗個電話過黎。
「我唔打！我就係要同佢一齊！」由細到大，我都無忤逆過佢既意思，佢叫我做咩我就做咩，溫馴到好似一隻小白兔。
唯獨係呢一次例外。我唔會退讓半步，我唔會俾佢拆散我地！
「你睇下你識咗個咩男仔。你向來都好乖，係唔係佢教你同我作對？」
其實我只係想拍拖，就係咁簡單。
激怒阿媽既結果，就係一個月無零用錢、手機同愛情小說都沒收哂，仲有唔俾出街。
果晚，我係日記寫咗段咁既文字：曾有三萬五千年，地球的一半是海水，一半是火焰，就好像我的心一樣。倒轉了整個地球，只為跟你在一起。
然後將自己感動得一塌糊塗。
佢越係反對，我地就越係堅定。
到最後，見丁家岐對我幾好，再反對都係嘥鳩氣，咪由得我地咯。
叮一聲，熱水準備好。
我除咗條校服裙，扭開花灑，水沾濕我既頭髮，係我身上流淌而過。
塊鏡起霧，一切都變得朦朦朧朧。
我擦開水氣，第一次仔細審視自己既身體。
我眼睛大大，嘴巴小小，就算唔化妝，樣貌都還算過得去。雖然生得嬌小玲瓏，但係上圍都有32C。
我真係諗唔明，點解丁家岐會唔受落。
洗咗一陣，水溫開始有變化。
我扭向左邊，熱到燙手，扭向右邊，又凍得濟。
其實女仔應該主動，定係矜持？
主動呢，好似會掉價；但係太過矜持，又驚佢俾人搶走。
除非......我主動既方法唔啱。
我拎起浴巾，包住自己，坐係馬桶上，一邊敷面膜，一邊拎部手機出黎碌。
高級綠茶婊練成大法。
男仔中意咩類型既女仔。
點樣先可以撩到條仔欲罷不能。
與其睇埋啲紙上談兵既文章，不如用交友App搵人練手，咁樣仲直接。
掃咗大概百幾個profile後，我揀咗個target。
Clay。
下面備註：三觀不正。
一頭淺灰頭髮，海軍藍格子褲加衬衫，右手擋住半張臉，應該係擺緊動漫手勢。
更重要既係，佢隻耳環，同丁家岐同款，令我覺得同佢好有緣份。
配對成功。
Clay: Warning: (disable 4201)
我：？？？
等咗五分鐘，佢就冇再講野。
帶住三分好奇，我上網查下，係一個編寫電腦代碼既警告，nonstandard extension used : nameless struct/union。
佢叫我報上名來......應該係？
我：Anita
Clay : Sry，網上太多Sales同買保險既
我：哈哈
我：點解係三觀不正啊？
Clay : 因為如果五觀不正，出街就會俾人打^^
Clay :既然你破解得到，想請你幫個忙
我：睇下咩忙，再決定幫唔幫
Clay : 可不可以做我一個晚上既女伴？
雖然我唔係ptgf，但我決定玩下野，等佢知難而退。
我 : 擁抱 $200 拖手$300 接吻$400 上床$800 過夜$1200
Clay : 你咁高質 呢個價錢無問題
都未見過面，佢又知我高質，唔驚我貨不對辦，出到黎原來係如花？
不過我都好好奇，係男仔眼中，我到底係咩價位。其實擁抱拖手接吻我都可以接受，有錢邊個唔想賺，唔上床過夜就得啦。
我：咁一個鐘後見啦
「婷婷你又去邊呀？」阿媽叫住我。
「我要出去。」
「啱啱先見完，又要去見佢，分開一陣會死架咩。」佢以為我要去丁家岐。是但啦，我懶得解釋咁多。
「都話咗唔好掛住拍拖......」
我砰一聲閂埋個門，耳根終於得以清靜。