《我既人生竟然由一張紙牌A搞到重新開始？》: 第三十三章 通行證

我們匆匆回到A-ZONE，找到正找與別人閒聊的阿媚，廣伯一見她，馬上道︰「阿媚！有野拜託你。」

阿媚擺出一副不太情願的表情，與別人交代一下後，便跟我們到一處人煙稀少的地方聊起來。

阿媚問道︰「咩事？」

我們單刀直入，把想上去其他層數的事告訴阿媚。

她聽完後，嘆息道︰「又搵著我泥搞，要上去就一定要搭A-ZONE入面的私人客𨋢。」





我聽見後，又問道︰「客𨋢？A-ZONE有呢樣野架咩？」

阿媚繼續道︰「有，不過如果你地要搭既話，就要一張通行證先得。」

我繼續問︰「通行證？」

阿媚回應︰「冇錯，A-ZONE既大部分員工通道都需要通行證，搭𨋢個個位都一樣，如果冇既話係冇可能上到去。」

我馬上問道︰「咁點樣先攞到通行卡？」





阿媚笑道︰「我就冇架啦，不過個班黑衣人就一定有，我成日打掃個陣都會見到佢地帶住，或者你地可以問佢攞既。」

我一聽便覺得這舉動風險極大，便馬上問︰「既然係咁，仲有冇其他方法上到去？」

她沉默了一陣，思考了須臾，才道︰「我知道有一條通風口，但係唔知道通唔通到上去，而且都唔知條通風口有幾長。」

我聽完後，望向身邊的兩人，問道︰「你地點睇？」

廣伯與阿正也對望一陣，廣伯才道︰「通風口如果留得太耐就太危險啦，我覺得試下從黑衣人身上偷走通行卡可能會比較安全，反正果班黑衣人都唔係想攞人命。」





阿正也點頭，道︰「廣伯講得有道理，我地有三個人，唔怕既。」

我點頭，道︰「咁好啦，我地就試下偷走通行證啦。」

阿媚則站在原地，向我們道︰「咁你地攞到通行證就過泥搵我啦，我再帶你地去𨋢個度。」

我們三人點頭，便轉身走去尋找黑衣人們。