《我既人生竟然由一張紙牌A搞到重新開始？》: 第三十二章 同伴

我緊握住司徒一郎給予的信封，向廣伯與阿正道︰「廣伯、阿正，我決定要將呢封信交比個個叫李文海既人。」

廣伯倚著牆身，道︰「你要自己一個去？」

我點頭，道︰「冇錯，呢件事同我阿媽有關係，我有必要繼續查落去，我要見李文海，問佢到底知啲咩！」

我繼續道︰「不過呢次去可能會有危險，你地唔洗跟我泥。」

廣伯一聽大皺眉頭，似有點怒意，大喊道︰「你講咩蠢話！」





我被他突如其來的咆哮嚇了一跳，我看著廣伯，他慢慢走近我，道︰「我地都已經一齊做野成一個月，住又住埋一齊，我呢個本身冇人冇物既老人家一早當左你地係我親人，你咁樣姐係叫我睇住自己親人去冒險，自己就成碌木咁坐係度？」

我與廣伯對望著，看見他眼裡充滿著誠懇，而且還有種深不見底的空洞，讓我知道他所經歷過的，絕也不是平凡瑣事。

此時平日緘默的阿正也開口，道︰「咪係囉，我本身冇咩朋友，自從識左你地之後，我先叫做多左兩個朋友，朋友有難，點可以唔幫手。」

我望向他們倆人，道︰「廣伯、阿正，真係好多謝你地…」

廣伯收回怒氣，擺回平常的笑顏，拍了我肩膀，道︰「自己人唔洗講多謝，泥啦，我地諗辦法點樣搵個個李文海仲好啦，時間越泥越緊迫啦！」





我點頭，記起司徙一郎曾說過李文海是數值紅心2的人，於是我說︰「李文海可能就係紅心2個一層既區域。」

阿正與廣伯點頭，隔一陣阿正問︰「但係紅心2個層姐係邊度，我地住咁耐好似都未見過其他層數喎。」

我摸一摸下巴，道︰「的確…我地除左底層之外好似冇去過第二度…」

廣伯突然說話道︰「等等，我可能知道邊個會知。」

我馬上回覆道︰「阿亮？」





廣伯搖頭，道︰「佢係呢層既保安姐，而且你想比佢知道信封既事？」

我回道︰「緊係唔想。」

廣伯點頭，繼續道︰「我知道阿媚既任務係A-ZONE清潔人員，佢或者會知道上去其他區域既方法。」

我遲疑了一陣，才道︰「你…信得過阿媚？」

廣伯微微頜首，道︰「都要博一鋪架啦，再唔快啲既話，政府出兵一切就太遲啦。」

我點頭，道︰「咁好啦，就博一鋪啦。」