《我既人生竟然由一張紙牌A搞到重新開始？》: 第二十章 敵人與朋友

那梅花A的男人捉起我衣領，道︰「我咪叫左你地唔好搞事囉！頭先你同個個男人到底想做咩，快啲講！」

我潑開他的手，推開他，道︰「做咩都唔關你事呀！」

他一腳踢到我肚子，隨即把我壓在地上，他按住我，道︰「你聽住，呢個紙牌計畫係我唯一一個翻身既機會，你唔好同我係度搗亂！」

我被他壓在地上，身體不能動彈，我又馬上道︰「我救左你，你竟然仲咁對我！」

他回︰「你同我記住，呢個世界冇話邊個欠邊個，生存到最後就係贏家。」





他站起來，整理自己的衣領，指著我，道︰「我由今日開始就會昅實你，你唔好做埋啲小動作呀！」

我沒有回應，只是狠狠盯住他，直至他轉身離去後，我才站起來。

我倚靠著石牆，想起這幾天來的經歷，不由得悲從中來，我實在太想念以前的日子，太想念母親。

當我想起這一切時，眼淚也不由自主地流下來，我知道，接下來的日子將會十分難過。

「男人老狗唔好喊得咁肉酸先得架。」一個聲音傳來。





我望向他，原來是廣伯，我立刻抹掉眼淚，道︰「廣伯，咁夜仲未訓？」

他笑道︰「我訓最底，你地個個落床都兵鈴嘭唥，訓幾冧都比你地整醒啦。」

我微微一笑，沒有說話。

廣伯拍拍我肩膀，繼續道︰「唉！宏仔，辛苦係唔會過去架，係睇你點樣接受佢架咋，就算你依家捱過左，可能又會有新既問題出現，喊係解決唔到問題架。」

我望向廣伯，問道︰「咁你係點接受佢？」





廣伯望向夜空，道︰「我曾經會刻意接受佢，但自從你同我講過個番說話之後，我先明白原來刻意去接受佢都係會令自己難受。」

他繼續道︰「既然係咁，倒不如活在當下，享受每一個生存緊既時光，至少咁樣會好過少少。」

我點頭回應，道︰「廣伯，多謝你。」

他又拍拍我肩膀，道︰「返去訓啦。」

我點頭，接著與廣伯一同回去A-ZONE。