《我既人生竟然由一張紙牌A搞到重新開始？》: 第十九章 亞尼哥

神秘人道︰「冇錯，我地係亞尼哥，一個反政府既組織，目前組織人數只有12個人，我地依家必須增加新血入泥組織，咁先有機會可以革命。」

「所以你搵我係想我加入你地？」我問。

他點頭，道︰「冇錯。」

「但點解要搵我？」

「因為我地調查過，係A-ZONE入面你既背景係最普通，而且仲好年輕，所以你係十分適合既人選。」





我低頭，看著自己的鞋頭，猶豫著，加入反對政府的組織往往都是十分危險，我自問並沒有這個勇氣去做這件事。

他可能見我猶豫，便繼續說︰「你可以慢慢考慮，我地唔急，你唔係唯一既人選。」

我點頭，道︰「咁我決定好之後點樣搵你地？」

他咧嘴一笑，道︰「你唔會搵到我地架，只有我地會搵到你，當你決定好個陣，麻煩請你展露你反抗既決心，我地會睇到架。」

接著他就轉過頭來，消失在黑暗的街角中。





我獨自一人坐在長椅上，思考著剛才他所說的事，我還有母親要照顧，實在不能加入他們，萬一過程中我有甚麼三長兩短，我媽便沒有人可以照顧了。

我站起來，打算回到A-ZONE裡面，卻在街角突然被一個人捉住。

我馬上掙扎，喊道︰「係邊個？放手呀！」

那人把我推到牆上，此刻我已然能看見他的樣子，原來他是梅花A的那個男人。