《我既人生竟然由一張紙牌A搞到重新開始？》: 第六章 革命?

A-ZONE的鈴聲噹噹響起，把我從睡夢中喚醒，我從床上坐起來，視察四周，看見這裡已然人山人海，到處也是人群在聚集。

我走下床，看見同床的另外四人也站起來看熱鬧。

我向阿伯問道︰「發生咩事？」

他回道︰「好似係派晚飯既時候到啦。」

「晚飯？」





「係呀，已經成6點啦」

廣播突然響起，裡面的人開始說話，道︰「請各位由1號開始依次序出泥攞飯。」

眾人雖然面露困惑，但還是遵從他的說話，開始依次序出去拿飯。

第一個出去的人是一個中年男人，他就是1號，他看上去乾乾淨淨，與我們床位的人截然不同，十足像是一個典型上班族，可又不像是那種做大事的人。

我跟老伯說︰「喂阿伯，你話我唔似呢度既人，咁佢咪更加唔似。」





老伯只淡淡道︰「唉，家家有本難唸的經，有時候外表都好難睇出一個人既本質。」

他停了一陣，道︰「靚仔，你有冇聽過人類七大罪？」

「哇，阿伯，估唔到你流浪都識得七大罪喎。」

他笑笑口道︰「我以前流浪個陣成日蒲圖書館架，個度又有冷氣，入去又唔洗錢，得閒咪拎幾本書過下眼癮咁囉。」

接著繼續說︰「我認為係呢度既人之所以會集合係度，都係因為唔覺意犯下其中既罪行，導致佢地依家係度。」





我皺眉頭，道︰「點會呀，我又冇犯咩大罪，咪一樣係度。」

他望向我，道︰「雖然唔知你點解係度，但係七宗罪入面既野，任何人都有機會犯，我認識既人當中，有啲就係因為爛賭敗哂身家，有啲就因為咸濕患上性病，佢地都係因為自己犯左既罪行而得出泥既惡果。」

他停了一陣，與旁邊經過的熟人打了聲招呼，再道︰「我地之所以係度就係其中一種惡果，之不過呢度每個人犯既罪都唔一樣。」

我無言以對，只向他問道︰「咁阿伯你覺得自己犯左咩罪？」

他嗤之一笑，回道︰「或者你今朝講得啱，或者我犯既罪，就係對生活失去希望吧。」

此時人群突然洶湧，部分人紛紛大喊︰「喂！呢啲乜撚野泥？比狗食架？」

我望向大叫的那個人，只見他舉著飯盒，向派飯的人怒吼。隨後見他把飯盒內的餸菜掉到地上，我望過去，只見那些餸菜分別有蛋，青豆和一條香蕉。

其中一個老伯則向那人道︰「哇，你平時食開鮑參翅肚？有隻蛋你仲想點？」





那人駁斥︰「我比人無端端帶過泥，屋企又冇得返，依家要我食呢啲？冇野下話？」

又有人道︰「屌，你唔食比我啦，原來冇得加飯。」

那擲飯的人道︰「你地要食我唔阻你，但如果呢度有人唔想食狗飯，又想離開呢度既，跟我出泥！」

他獨自一人走到派飯那個人面前，道︰「我要咖哩飯！如果唔係我就即刻走。」

接著又有幾個人跟在他身後，我只在遠處觀察他們的舉動，並沒有加入他們。

那人似乎得不到他想要的，他提起派飯那人的衣領，大喊︰「仆你個臭街！」

此時眾人的身份證再次震動，LUKI出來向我道︰「你翻身既機會泥啦！」





我問︰「咩翻身？」

LUKI展現那個任務介面，一看十分驚訝，因為其中一個任務的經驗值足足有50000那麼多，也是說我只要做完這個任務，我的數值就可以直接提升。

而我看看那個任務目的，只見它寫著︰「捉拿A-ZONE搗亂的群眾。」