《我既人生竟然由一張紙牌A搞到重新開始？》: 第五章 A-ZONE的鄰社

我躺在床上一動不動，也不知道躺了多久，直到感到我床下又有動靜，我才微微坐起，伸頭出去望望，可惜並不能看到甚麼。

於是我走下床，又看見那個老伯，向他問道︰「喂阿伯，頭先乜事咁嘈？」

他把頭指向他的上層，此時發現原來我們那層床架又再增添兩人，除了底層那老伯外，其餘兩人分別是一個披頭散發的女人和一個極之肥胖的中年男子，他們自然也是搞不清楚狀況，只是那女人看見我下來，便伸頭問道︰「喂靚仔，有冇煙？整枝泥。」

我搖頭，回︰「冇呀，我唔食煙。」

「噢，屌佢地沒收左我包煙呀，我已經兩個鐘冇食啦，好想食呀。」





「咩話，係咪有野食？」那個中年肥胖男子突然插嘴道。

他吃著手指，口水流到整個床也是。

「冇呀。」我回應。

他顯出失落的表情後便躺下。

那個女的則走下床，向其他床位的人繼續問煙。





這裡剩下我和老伯，我向他道︰「阿伯你點睇呢個紙牌計畫？」

「唔…我其實又冇諗咁多，因為呢度既環境，比起我之前流浪個陣都好，所以暫時泥講，我冇咩唔滿意既地方。」

我駁斥道︰「阿伯你真係咁諗？我地依家呢個情況連可樂都唔可以飲，甚至飯都唔知仲有冇得食喎！」

「咁又有咩所謂姐，好似我呢種流浪漢，平日都係飲人剩低既可樂，食人剩低既飯架啦，依家有床訓，佢又會派野食，仲要求啲咩？」

我無話可說，眼前的老伯或許早已對生活失去了希望，失去希望的人要再重燃起他的光芒是十分困難的，但我還是想讓他繼續對生活懷有希望。





我道︰「唔通你唔想過啲好少少既生活？」

「我曾經想過，但無奈唔得。」

「阿伯，雖然我知道自己冇咩料講呢返說話，但我覺得你咁諗係改變唔到你既生活。係，冇錯，每個人都有權利過佢自己想過既生活，你都可以，但如果你一世都將自己既生活要求訂到咁低，個種唔係叫生活，係叫做苟且偷生，我唔知你係咪真心覺得滿意現狀，但我都仍然相信你係值得擁有更好既生活。」

「多謝你呢番說話，我明既。」阿伯說完便轉過身，背向我，躺在床上一動不動。

或許是我說得太過份，阿伯沒有再回應我，我也沒再打擾他，又再爬上自己的床，小睡一會兒。