【👋🏻🌉】偽外傳：QQ的放蕩文學分析教室（完）☑️☑️☑️: 《再別康橋》一

我：「呀！唔想背書呀！Miss Tang正衰人嚟！」
Q：「妖，得嗰廿零句，半個鐘就背完啦。」
我：「講就咁講，首詩係咁花鳥風月，好悶呀！」
Q：「唉，你不如睇下作者生平，精彩好多。」
我：「噢？作者係邊個嚟？」
Q：「…，徐志摩呀！Miss Tang講咗兩日首詩你都唔知邊個寫，有無搞錯？罰你除褲自摸吖嗱！」
我：「如果妳幫我摩我就除。」
Q：「好呀，我用你塊包皮嚟打蝴蝶結。」
我：「…，講笑啫，咁點解要讀徐志摩生平？」
Q：「嗱，徐志摩呢，三十四歲就瓜柴，但有兩個老婆，一個長期情婦，你話犀唔犀利先？」




我：「嘩，呢條友咁仆街嘅？」
Q：「你好好…」
我：「梗係好，我而家係單身嘅乖乖仔。」
Q：「使唔使我叫埋Carmen同Mandy上嚟同你呢條好乖嘅A4粉腸對質呀？」
我：「唔使，姐姐我知錯喇。」
Q：「係妹妹呀！而且，佢第一任老婆張幼儀十五歲就嫁咗畀佢。」
我：「嘩，妳啲friend嚟㗎喎，專幫人衰十一。」
Q：「咪玩啦，嗰嗰年代邉有衰十一呢樣嘢。」
我：「咁靚唔靚女㗎？有妹妹食佢開唔開心？」
Q：「望落係個好普通嘅女仔，可能同細蚊差唔多掛，應該係個好女仔嚟，所以好長命，活到1989年88歲，多過徐志摩好多年。」




我：「睇嚟英年真係會早逝，都係唔好玩女…但如果係咁，唔怪之得佢要換老婆啦。」
Q：「嗯，所以佢喺五六年後就搭上咗兄弟個老婆陸小曼，同條女一齊出軌，重俾兄弟追殺，搞到要逃去外國避難，搞咗三四年佢終於同呢個紅杏出牆嘅阿嫂結婚。」
我：「果然兄弟妻…咪走雞…咁，陸小曼靚唔靚女㗎？」
Q：「靚過佢本身老婆嘅，但都唔係好靚，似係好玩得，活潑百厭，知性嗰啲女仔囉，如果要比較嘅話，可能係似Carmen呢啲咁。」
我：「咁…都幾不得了喎，其實又唔使追殺嘅，呢啲嘢，交換下嚟玩，或者開多P party咪得囉，大家都開心唔使面阻阻。」
Q：「嗰陣乜嘢年代呀！你估今時今日咩？」
我：「吓…中國古時唔係咁㗎咩？夏桀同商紂咪又係玩到不亦樂乎，社會係應該進步㗎嘛。」
Q：「俾你激死，嗰啲係叫後宮，叫將女人收歸國有，而唔係換妻同多P。」
我：「妳話乜就乜啦，咁條粉腸兩個老婆重唔夠？去邊度搵咁多小三返嚟？」
Q：「佢個情人叫做林徽音，喺英國識條粉腸嗰陣先得十六歲，兩個人一直藕斷絲連咗十年以上，徐志摩最後係因為想搭飛機去探佢而墜機身亡。」




我：「睇嚟個天都睇唔過眼呢條仆街咁多情。」
Q：「佢唔係仆街，人哋一生追求『自由』、『愛』同埋『美』，好浪漫嘅。」
我：「嗯嗯，三者夾埋就係自由放蕩咁周圍同靚女做愛，睇嚟我應該要參考下。」
Q：「食屎啦你，你呢啲滿腦子不知所謂思想嘅骯髒男子。」
我：「大家都係鍾意十六歲嘅靚妹，點解佢就浪漫，我就骯髒，好唔公平…」
Q：「喂！咪多手呀！咁，林徽音出身書香世家，舉止優雅端莊，佢係一個讀書好叻嘅女仔，係一個文學家，建築學家，重係非常非常靚女，睇返啲黑白相都覺得超有韻味！抵徐志摩俾佢玩到死去活來。」
我：「妳…唔係想講妳似林徽音呀？」
Q：「我都想…唉，可惜我已經家道中落。」
我：「嗯，咁我已經知道個作者係條周圍播種嘅仆街，對我背呢篇新詩有乜幫助呢？我敢講，如果佢寫淫詩嘅話我就即刻倒背如流水行雲咁嚇到妳心慌慌。」
Q：「你點知呢篇《再別康橋》唔係淫詩嚟呢？」