點解我嘅校園戀愛喜劇缺少了戀愛成份？: 第06話

由於佢守到我，咁就佢開波啦。

佢一攞到波就降低重心，加速推進，一遇到我就立後轉身上籃，7比4。跟著佢再開波個陣我一個快steal，攞到之後射個3分，7比7，平手。跟著打咗幾個回合，大家打成9比9平手，換句話說，邊個攞到呢球就贏。

「你幾好野呀！從來未有人同我打1on1可以迫到我嚟呢度。」

呢次係我開波，我最後用我平時唔會點用嘅絕招----入樽，一攞到波2秒殺入到籃底，跳起，入樽。11比9，我贏。

「好波呀Edan,你今日係第1個贏到我嘅人。等我仲底估咗你添。」





「今日聽到你成日話我係第1個人做到喎。」

「都係嘅，不得不承認你真係好勁。」

「我今日算唔算攞咗好多你嘅第1次」仆街，口不擇言，冇啦今次。

「都算係嘅～」佢笑住咁答我，唉，唔方好野。「係喎Edan呀，依家都7點喎，不如一齊去食飯？」

劇情嘅發展我都估唔到，不過呢我又真係唔太介意，所以咪答應佢囉。





**********************************************************
佢叫我跟著佢行，佢話帶我去食好西，仲話我肯定未食過，所以我跟住佢行，行遠小小我都唔介意嘅，但都行咗半個鐘，我最終忍唔住問佢：「其實介唔介意話我知我地行緊去邊，我地由元朗公園行到嚟雞地呢度啦喎。」

「轉埋個灣就到啦，唔好咁心急啦！」

最後佢帶咗我嚟呢間食吉烈豬扒好出名嘅餐廳，原來佢係成日嚟食，我點解知，因為個度啲職員個個都可以叫得出佢個名，最後我地叫咗幾樣野，實際係咩我都唔太清楚，因為我整係淘醉係今日嘅劇情。

最後我地食完野就返去，我決定送佢返去，「你住邊，我送你返去呀？」「唔駛啦，我住附近。」「ok,咁幾時再一齊打波，你都係我第一係我手上拎到9分嘅人。」「哈哈哈～原來我都攞咗你嘅第1次」「都算係嘅。」

「嗱，攞你手機出嚟」「做咩呀？」「又話約打波，唔加你電話點約呀！嗱，搞掂，bye bye 聽日見。」





「bye bye」

**********************************************************
真係估唔到劇情咁發展，不過亦都好嘅，起碼叫做有收鑊。

「目標：周芷庭 kristy，今年一定要得！！」