點解我嘅校園戀愛喜劇缺少了戀愛成份？: 第05話

開波

「你開波先啦～」我緊係要gentlemen 啲啦

「真係？同我打開個啲都唔會讓，如果唔係冇波掂喎」

「得啦～」講到咁，有冇咁犀利先。

「check ball」好啦check完個波呢就開波啦





一開始庭庭先插幾下花攞一攞節奏，咁我緊係stay係罰球線個度等佢突破先啦，1下，2下，3下，4……

佢1個加速我都未反應得切，就過咗我，輕鬆上籃，2分。我個下都嚇親。

「都話咗，駛唔駛我放慢小小呀」

「唔駛，未熱身姐 」

由於街場係贏開，所以又係佢開波，今次我決定放底個重心，方便防剷籃。估唔到佢今次插2下花之後射個3分，5-0。入咗之後佢仲做個鬼臉，好啦，你成功，你成功令我認真。





跟著佢一攞到波我就緊貼小小，我唔係想抽水呀，係合理接觸呀。我預佢會剷籃，佢真係剷籃，佢中計啦，請妳食個追身火鍋，砰一聲，又靚又乾淨嘅block，佢望咗我一眼，先有啲不甘，再暗然一笑，再話「估你唔到呀，你係第1個block到我嘅人」

「真係？」
「開波啦」佢單手拋個波俾我，我諗咗一諗，好啦就用呢招。

佢放底咗重心，應該係想防我突破，好我就用突破。

根據情報呢，佢係一個唔服輸嘅人，會不斷挑戰直到成功，如果打唔贏，佢就會好留意個個人，搵幾會贏返次。我就係要咁。

好啦就做個急停fade away，學下kobe先，唔好睇小我呢招，我係出面啲私league單刀48分，大炒對面都係用呢招。





我一突破，我感受到佢俾嘅防守壓力，唔怪知得啲人話我地學校女籃好勁，我終於信嘞。但呢啲都唔係大影響，話曬我入選港隊但我選擇唔去。

係佢面前急停fade away，「顏射」佢，爽。5比2。

「幾勁喎，但我唔會輸架。」

「咁你要加油下。」

跟著我又用同一招，輕鬆攞2分，5比4，之後佢再加快防守腳步，成功騷擾到我，炒咗。

「同一招我唔會輸3次」好啦，破例show下啲勁野俾你睇下