點解我嘅校園戀愛喜劇缺少了戀愛成份？: 第01話

「叮噹叮噹～」上堂鍾啱啱就響咗。

「仆街嘞，一開學就遲到！？」屌真係黑仔，今朝個鬧鐘壞咗，到我一醒個下已經遲咗，平時我會早啲返去預習下今要要學嘅野同核對下啲功課答案。算啦，都係講真話。我要返去carry下啲女仔，教下佢地，仲參考下啲功課。

最後，我係遲咗1分鐘，唔好睇小呢1分鐘，我上次就係咁俾個訓導捉住，仲要係lunch time同我講耶穌，搞到我冇得去溝女。

「千奇唔好又係個個麻煩訓導」呢個故事話我知咩叫希望越大，失望越大。

「做咩遲到呀～殷子樂！」on shit係陳sir。
「對唔住囉～我都唔想架😒」




「唉～算啦，聽日唔好啦！」

「你講真架陳sir！？」

「唔要就算！」

「要！要！要！Bye bye陳sir，我去上堂啦！」

「哈佬咁多位早晨呀！早晨呀，宇行哥」





「做咩咁好笑口呀？你唔係遲到咩？」

「係呀！咁點」

「陳sir喎！佢冇捉住你同你講耶穌咩？」

「冇喎，我都唔知，可能佢心情好掛？」
「陳sir好心情靚，你今年有運行啦睇嚟。」

「真係？承你貴言。」