點解我嘅校園戀愛喜劇缺少了戀愛成份？: 序

我係殷子樂，今年中五。中一個陣入到呢間元朗區名校都算係咁，原本啲屋企人呀～朋友呀～都唔睇好我，但偏偏呢就俾我考到入嚟，真係想對住佢地大大聲咁講返聲：「知我咩料啦！」

我係呢間學校入面要完成嘅目標好大路，就係要出到pool，原本諗住好似同其他中學生一樣，試吓咩野叫做青春，咩叫年少輕狂，但係……但係……到依家我一次表白都未成功過（TOT）

佢地班謀利話我生得似Edan，帶埋個眼鏡成個型仔文青look咁，但都係唔夠校草抽。人地生得成個AK咁，我點同佢鬥姐！？次次我鍾意一個女仔嘅時候，個條仆街就過嚟溝走佢，你話把唔把鬼火呀！

我唔理啦今次，今年係我係呢度讀書嘅尾2一年，我一定一定要將呢個冇戀愛嘅戀愛劇拉回正軌💪