《😭你無法知道大數據年代擦不上榜努力寫作的作家在哭😢》完☑️☑️☑️: 😥😥😥😥😥😥😢😥

畀少少有趣嘅數據大家先，呢篇文章過去廿四小時只有一章，所以點擊數就等於人氣，喺過去廿個鐘總共攞到約220點擊，扣除我自己嘅定時檢測即係215左右，得出結論如下（平日周四）：
41-50位需要流量30-50
31-40位需要流量50-70
21-30位需要流量70-100
14-20位需要流量100-150
你可能問我點解而家over200但無再升上去，keep住14-15，好簡單，因為換日佢會有算法，去將琴日嘅人氣做一個減值計算。（即係話過咗十二點就算你即刻幫自己篇文搵幾十流量都唔會攞第一，你可以將人氣睇做過往約十二小時嘅流量，其實算法可以改變，網主有權調整。）
我亦唔介意講埋頭十嘅流量（現狀以廿四小時計）：
6-10位需要流量250-400
3-5位需要400-700
頭兩位就睇下啲擦機人士點玩啦，唔計佢哋通常700+都已經穩陣。




所以如果你好想自己篇文上榜，開完文叫晒自己班同學click一click，轆兩嘢就得。

跟住要講嘅就係Google點用流量控制呢個世界，事先聲明我同Google無任何關係（除咗我係佢用家），亦唔係業內人士，我唔係做資訊科技，數據管理，網絡建設，電子商貿，市場分析，營銷顧問等嘅工作，我只係一個鍾意玩弄文字嘅爛作者。至於Google SE Algorithm，Google Analytics，Google AdSense，網絡上其實大把文章同教程，甚至乎係教科書同學術研究，呢度就唔會講咁深入喇，個人覺得以上三樣嘢要膚淺瞭解都已經值大學嘅12個credits。（嗱，我無話識呀，我又唔係教書嘅，鍾意就自己睇。）

Google Analytics，顧名思義就係分析網絡行為同流量，主要係有三個層次，第一個層次係分析整個網站嘅質素同流量，呢樣嘢通常係畀投資者，廣告商，競爭對手睇，同大家無乜關係；第二個層次就係一個網站嘅內部分析，主要係畀返網站建設者睇，等佢知道邊一個範圍受歡迎，邊一team人做得好，又或者邊個時間做promote最有效益，嚟到某個網絡小說網，即係人氣作品榜同埋人氣作家榜；最後一個層次就係分析獨立用家（或acc）嘅行為，呢度唔多講，反正你每一秒都係被計算緊。

Google Analytics最主要嘅統計資料係流量，先撇除流量入面嘅meta data（例如性別，年齡組別等），流量只係一個數目字，簡單嚟講就係人頭數，乜係人頭數呢？即係唔係點擊數，就算你一個人對住部電話由朝㩒到晚，加嘅都只會係點擊數，而係Google眼中，呢個行為可以解做人氣=1，頁面瀏覽量=一千幾百，停留時間=浪費嘅光陰，從而計出一個流量總價值（唔好諗住click一千下會有幾十陪價值，條數可能同log差唔多）…呀，又夠字數，下章再續。