她的伴奏者: 3

第二日，唔記得起身，唉。

起身之時，已經七點半，而我相信子瑜係未起身。
我地學校返八點，坐巴士半個鐘，坐的士十五分鐘。
然後子瑜真係未起身…

「喂，起身喇，遲到喇！」我大叫
「吓…？啊！死變態佬！」子瑜用她的枕頭扔向我
「屌你七點半喇！早餐都無撚得食！肥婆訓導又會捉我地遲到。」我連珠炮發





似乎子瑜已經意識到問題嘅嚴重性。

「廁所！廁所！」子瑜狂奔到廁所
「屌我未用啊」我苦苦哀嚎
「送俾你」子瑜將我的牙刷毛巾丟了出來

人生第一次去廚房刷牙洗臉…

「得未啊？」我一邊扣上校服鈕子一邊問
「等陣啦，我未梳頭啊」子瑜回道





此時已經七點四十五分，我已經投降了。

「你慢慢啦，都肯定遲到喇」我說

人生第一次遲到，竟然栽在這個女孩身上。

「呼，搞掂啦」子瑜滿意地從廁所走出

七點五十五分，好。





「行啦，遲到都要返學㗎」我說
「哦」

八點正，終於步出家門。
還掂都遲到，不如坐巴士。

「哇…」子瑜對著長長的巴士人龍嘆息
「住郊區係咁㗎啦，無地鐵㗎」我說

鬼叫今日遲起身撞晒返工時間…

「我地等到有位先上啦」子瑜說
「等到有位都放學啦，呢度係新界尾站係咁㗎啦，咁不滿咪問下你老豆點解要你同我一齊住咯」我順便串佢尋晚黑口黑面個樣





我們…不知不覺地熟絡了嗎？

「你估我想㗎，佢話要訓練獨立同與人相處」子瑜細聲地說
「啱嘅，唔係我教妳我怕妳巴士都唔識坐」仲唔有位笑鳩妳？
「你！…」
「不過，多謝你」子瑜說
「尋晚我煩緊搵伴奏老師，好彩你叫我訓，唔係我應該成晚唔訓」
「係妳啲音樂嘈住我先勸妳咋」我不知如何回答
「我咁好禮貌你串我，收皮啦」子瑜回敬

我屌…八點嘅巴士真係好撚逼
我同子瑜嘅距離近到不能再近，目測幾mm

一個急煞，足以將安全距離變為近在咫尺的曖昧氛圍。





「點揸車㗎巴士佬」
「撞死人咩」個個乘客都稍有不滿

「唔好意思」我對子瑜說
「變態佬」子瑜小聲地說

你估我想㗎…變態都唔會搞妳啦
不過望真啲，原來佢又幾靚喎。

「望夠未啊，到喇」巴士徐徐停在學校正門的巴士站
「哦」

把守門口的肥婆訓導早已離去，只有保安還在。他隨意地給了我們一張遲到紙，著我們交給老師。

「哇鳩豪咁遲嘅，差唔多九點喇喎」腎虧明問




「遲起身咪遲到咯，加埋坐巴士多人」我說
「唔係喎，點解你同子瑜一齊返嘅，唔通你地…」
「你咪亂講野啊，我同佢咁啱一齊遲到咋嘛」子瑜插嘴說
「哦，咁啱…」腎虧明若有所思地說
「真係咁啱咋」我說
「張柏豪、周子瑜，放學去音樂室搵我」Miss Chan在走廊探頭進課室說
「喔喔喔喔喔喔喔…」全班響起嗚嗚嗚的叫聲
「上堂喇，唔好再嘈」幸好老師打圓場

「你話Miss Chan搵你做乜呢」腎虧明問
「應該係音樂組嗰啲嘢啦」我說

只見子瑜眉頭深鎖，貌似在煩著一些事。
差點忘記，要將鑰匙給她，還有教她如何坐車、買餸，還有更多更多的瑣事。





啊，一個女人闖進我的生活究竟是禍是福？

「咁我等埋你先食飯」腎虧明說
「唔使啦，我要同佢去…」我下意識指著子瑜
「同佢去邊啊？」腎虧明不懷好意地說
「參觀學校啊」子瑜插嘴說

哎呀，呢個女仔又幾好口才喎

放學後…
「各位同學歡迎大家黎呢個會議啊，今日係想通知大家幾件事嘅。首先，去得呢個會都係音樂天份高嘅同學，所以學校將會安排大家參加一個校際比賽。呢個比賽項目分2個，分別係年齡組同學校代表組。」
「年齡組我地會派出呢批同學去」Miss Chan指著螢幕說
「至於學校代表組，經過學校決定，我地會派出周子瑜同學」
「吓…」子瑜錯愕地說

我都唔明有咩好猶豫，呢個比賽我都係參加過一次咁多。

「我最近搵唔到伴奏老師，同埋我要考AT，未必有時間…」子瑜吞吞吐吐地說
「唔緊要㗎，下年暑假先比賽，同埋你可以用考試歌比賽。至於無伴奏老師…反正賽規係伴奏都要係學生，不如柏豪你做佢伴奏啦」

又關我事？

「Miss Chan妳有無問過人㗎」我質疑
「咪係咯Miss Chan，點解一定要係佢？」子瑜加入質疑
「柏豪彈鋼琴好有經驗，加埋同你同班，又坐妳隔離，我覺得好適合喎，就咁話啦。散會！」Miss Chan未待我們反應就離開了音樂室

「咁點算？」我問
「可以點算？馬死落地行」子瑜輕描淡寫地說
「妳啲歌難唔難㗎？」我問

我可不想她栽在我的伴奏裡。
「一陣返屋企俾你睇吓」她說

對了，學校十分仁慈，開學頭三日都是適應日，所以時間十分的多。

「俾埋條鑰匙你，我依家教你點返屋企同去邊度買餸啦」我示意她走

如是者，這是我們正式同居的第一天。

「呢度就係街市喇，你唔鍾意嘅話可以去超市買，前面轉右」我指著街市說

睇佢個樣嬌生慣養都唔會鍾意。

「街市同學校走都係一樣，門口巴士站坐503或者245，過公路第一個站落車」我說

其實我都覺得佢唔會聽…宜家科技咁先進