[校園][純愛]《身旁的那一個》: 第九十四章

其實出成績嗰日我冇乜特別感覺

起碼唔會瞓唔著啦，

反正成件事都塵埃落定

要驚都唔係呢個時候驚

所以派卷前嗰晚我冇好似一般人咁，





驚瞓唔著所以出去玩通宵

第一我冇咁多朋

再者我真係唔覺得有咩特別，

去到派卷嗰日

我就同海狗一齊返去學校，





唔知你哋依家係點啦

我嗰陣派卷呢個派得好hea

首先唔會有老師喺度鳩噏，

其次就係唔會等人

如果老師見到你





佢就會問你攞咗卷未，

未嘅話就去拎

同電視見到嗰啲，

成班人癡癡呆呆坐埋一台等攞卷就唔同

我同海狗就好早返到去

返到去嗰陣都唔多人喺度，

咁就仲好唔使同人逼

我冇見到嵐嵐





我估佢應該冇咁快返

我尋晚都有同佢講我會早拎

之後佢話今日會同班女仔friend一齊拎

大家睇下呢個故都知我就唔鍾意同人哋懶熟咁

我同佢熟啫，

唔係同佢全班friend都熟

因為咁大家就夾唔到時間見喇





最後我同海狗都合格

佢條撚樣仲高分過我

跟住諗諗下都係算啦，

都係喺度讀埋落去，

唔轉校喇費事重新適應

男人老狗大大方方啦係咪先

尷尬都冇計㗎喇

隔咗一陣嵐嵐都有問我考成點





我就如實同佢講，

同埋順便八卦下其他人考成點

下年同學嘅陣容有咩改變，

嵐嵐:「我呢邊知道betty唔夠分

依家都唔知佢點呀

Teresa同愷晴考得ok應該唔使轉校

其他同學好似好多都考得唔錯，





我冇問得咁詳細都係聽返嚟」

我:「真係辛苦你喇

就嚟走都滿足我嘅好奇心」

嵐嵐:「知你條八卦友啦」

我:「係喎你執好啲嘢未

過多幾日你上機囉喎」

嵐嵐:「ok㗎喇

係咪想幫手搬嘢」

我:「我ok呀

請假即刻過嚟」

嵐嵐:「講笑咋傻佬

搞掂你啲嘢先啦

你知你幾多嘢搞」

我:「我盡量趕啦

唔想應承你住，

萬一最後唔得就變到我失約

費事畀你強加罪名」

嵐嵐:「得啦知道啦

到時我走嗰日，

送啲嘢畀你好唔好」

我:「就走點送」

嵐嵐:「到時你咪知囉，

依家唔話你知住

等多幾日啦」

佢講到咁又搞到我心思思

究竟係啲咩呢.


講真，

如果嵐嵐要求我喺佢走嗰日

親自送佢機，

我就算請假我都一定會咁做

之但係今次佢係咁話唔使

所以我先聽佢吩咐

盡快做完自己嘅嘢就過去機場

我知佢晏晝機丫嘛，

好好彩，

最後我做嘢個進度幾好

喺佢上機嗰日

終於趕晒啲嘢，

跟住即刻沖涼

換返件衫就出去機場，

呢個時候我諗起一樣嘢

佢以前都同我講過嘅一段說話

我冇記錯我喺度都有分享過，

就係有一次佢同我講，

佢話女仔都係鍾意驚喜

十個有九個都係㗎啦，

所以嗰刻我就冇WhatsApp佢

就靜靜雞搭巴士去機場

出門前我特登睇返WhatsApp

究竟係實質係搭幾點機，

跟住見到佢係三點機

我心諗我十一點尾出發，

搭A22嘅話一點半前實去到啦

咁一定夠時間啦，

所以最後我就冇同佢講我依家去緊機場

亦都冇同愷晴講

事實上分手之後，

我同佢就冇再WhatsApp過

再加上愷晴認為我同佢分手就係因為嵐嵐

如果今日我因為嵐嵐而搵返佢，

咁就真係好諷刺

所以我就冇搵愷晴問下佢哋嗰邊咩情況

不過有時好奇怪，

照道理呢個情況愷晴唔知會點睇嵐嵐㗎嘛

雖然我同嵐嵐從來都冇越軌，

咁但係女人有時嬲起上嚟唔會理呢啲嘢呢

今次愷晴又冇喎

仲一路有同嵐嵐keep contact

早幾日一齊拎成績表

今日又去送機，

我嗰陣目標好清晰，

冇再理見到面會唔會尷尬嗰啲無聊嘢

我淨係希望我可以畀到驚喜嵐嵐

一切順順利利就好.