[校園][純愛]《身旁的那一個》: 第八十八章

我記得我個電話都等咗一陣，

嗰陣心諗唔係咁樣玩我下話

佢條友平時好快就接聽

今日唔係嘅

好彩，





最後都係等咗一陣啫

我:「喂，

鍾曉嵐你喺邊度呀依家」

嵐嵐:「做咩事呀我咪喺屋企囉」

我:「喂唔好意思呀方唔方便出嚟





唔好意思唔好意思」

嵐嵐:「你講咗三次唔好意思喇

究竟咩事呀」

我:「件事就咁嘅

我一陣兩點半就會考oral，





本身就諗住早一個鐘去到

等自己舒服啲唔使咁趕，

然之後就坐喺到睇notes碌屎

誰不知就冇帶碌屎

咁都算啦，

點知如果依家一來一回我又驚趕唔切返嚟

所以咪諗住搵你幫下手睇下得唔得囉

你有嘢做就唔好喇」





嵐嵐:「我冇嘢做呀

簡單講即係你想我去你屋企，

幫你拎份notes出嚟畀你」

我:「你真係醒嘅啫

唔該晒唔該晒」

嵐嵐:「我冇你鎖匙喎不過」

我:「得啦我老母喺屋企





其實我搵佢都得嘅，

不過驚佢唔識嚟

因為我身處嘅呢間學校同屋企都唔算好近，

要搭巴士過嚟，

的士都唔係唔得嘅不過驚佢個人會亂啫

陣間講錯地址就仆街

所以就諗住搵你幫手」

嵐嵐:「得，





我依家去你屋企先啦」

我:「唔使啦你喺我屋企樓下等

我會叫老母落去慳返啲時間」

嵐嵐:「好我而家過去」

我:「真係唔該晒

唔好意思」

嵐嵐:「傻嘅之後還禮咪得」





我:「麻煩你喇唔該晒

你拎完之後打畀我丫」

之後我就再打電話畀老母，

同佢講返頭先嗰啲嘢

叫佢帶埋份碌屎落去，

之後見到嵐嵐就畀佢啦

其實我自己都唔鍾意麻煩咁多人

呢次真係自己戇鳩

當然呢份碌屎係咪好有用我唔敢講

係我唔想他日派卷嗰陣，

有藉口俾自己啫

如果唔係驚日後有遺憾，

今次都唔會咁勞師動眾

好老實講，

如果佢幫我唔到我完全唔會怪佢

因為真係事出突然，

係真係好彩佢咁啱冇嘢做

我嗰陣冇諗咁多呀，

一心等住佢嚟.


話說點解我第一時間諗起嵐嵐呢

其實係有原因嘅，

第一海狗呢條友嗰陣要返part time

所以晏晝都唔會喺屋企

咁我點解唔叫愷晴

第一佢唔係好熟路，

未至於路痴，

但係如果佢去一個唔會經常去嘅地方

好多時都係撞下撞下

我同佢出街就一定係我帶路，

既然我依家都算係水深火熱之間

咁我就梗係唔搵佢呀

呢頭我同佢好少嚟，

唔係話佢一定唔識，

其實可能佢識我之前已經去過呢邊

只係我嗰陣咁急，

仲得閒好似平時咁慢慢傾計咩

我又知佢真係唔熟路

咁就唔嘥時間搵佢幫手啦，

直接搵嵐嵐算數

之後嵐嵐搵我，

話已經拎咗，

我就教佢搭邊架巴士同埋邊度落，

落車之後點行，

冇巴士嘅話咪搭的士，

直接講個地址畀佢，

其實嗰陣我真係好緊張，

因為得返半個鐘多少少

隻眼係咁望住個入口

跟住就收到個電話，

咁啱就係呢一刻我最想見嗰個人

嵐嵐:「你出嚟拎啦

個學校保安話要我證明我係今日嘅考生

我冇准考證喺身入唔到嚟」

我:「我依家出嚟」

跟住我就跑出去，

就見到佢企咗喺度

我:「鍾曉嵐

今次唔該晒你」

嵐嵐:「得啦唔好咁多廢話，

你快啲睇啦就快考喇」

我:「嘩你係咪跑過嚟，

個頭唔係平時咁乾爽嘅」

嵐嵐:「傻豬嚟嘅我游水過嚟呀」

我:「後數先

餐飯我嘅」

嵐嵐:「多謝喎

不過未諗到食咩喎

諗到再話你聽」

我:「真係好撚感激

thank you thank you」

之後佢就走咗，

我亦都返咗入去學校操場溫書

最後我都唔記得，

我考之前半個鐘睇咗本碌屎

究竟幫唔幫到我手，

我唯一有記憶嘅，

就係我話請佢嘅嗰餐飯

去到最後拖咗好耐好耐，

唔好意思呀鍾曉嵐

每次我出事搵你幫手，

你總係會第一時間幫我解決咗佢，

相反我對你回禮個效率，

就真係相形見拙.