[校園][純愛]《身旁的那一個》: 第七十三章

我記得嗰年嘅除夕

收到愷晴個WhatsApp約出嚟好唔好

第一有女約梗係好啦係咪先

第二我真係冇乜嘢做，

跟住我問嵐嵐同埋你啲friend有冇份





之後佢就話冇，

得我哋兩個咁咋喎

嵐嵐呢條友冇理由唔出嚟嘅

唔通有人約咗佢，

估唔到籃球佬咁犀利





即刻WhatsApp佢先，

我:「約咗邊個咁巴閉呀

聽日唔出嚟同我兩個玩」

嵐嵐:「費事阻住人啦」

我:「關咩事





你又唔係唔識我同佢」

嵐嵐:「睇你都係豬兜唔識㗎喇」

我:「痴撚線無啦啦屌人」

嵐嵐:「有時我都想問，

巫澤軒你係咪男人嚟㗎

定你真係咁鬼死蠢呢」

我:「做乜鳩

我梗係男人啦仲使講





咁大條」

嵐嵐:「咁我就唔知

呢啲你唔好對住我啦眼冤呀費事」

我:「咁你頭先講咩呢」

嵐嵐:「一個女仔，

除夕呢啲咁重要嘅日子都主動約你

畫公仔唔使畫出腸呀啩」





第一，

當時嘅我其實覺得除夕唔重要嘅

屌咪又係一個日子

有乜咁特別

大個咗之後先至發覺呢類日子，

原來都有啲人嚟講係幾重要

淨係想同一啲佢有興趣嘅人過，

如果求求其其過咗呢個節日嘅話，





就會覺得好浪費要等多年

當時我咁戇鳩邊知呢啲嘢

根本就冇呢啲概念

嵐嵐:「你聽日唔好失禮人呀

記住執正啲」

我:「痴線平時好失禮咩」

嵐嵐:「咁又唔係，





你都係想我咁講啫」

我:「其實咪又係咁

唔通著老西咩」

嵐嵐:「咁你又太誇張」

我:「你叫我都唔著

痴撚線出街著西裝，

又唔係返學返工」

嵐嵐:「不過講真，

我哋嘅東哥點著都得㗎啦

對女主角都唔係重點」

我:「你今晚講啲嘢真係莫名其妙」

嵐嵐:「聽晚你咪知囉」

我:「點呀真係唔出嚟呀

嵐嵐:「唔出呀約咗人呀」

我:「好，

唔勉強你」

嵐嵐:「等你好消息呀

人地做到咁出面，

你都唔做返應該做嘅嘢

咁就真係唔得」



可能你哋會問

唔係啩，

咁你都唔知

老實講我嗰陣係有諗過

不過覺得機會唔高，

大抵上我真係唔記得嗰年除夕嘅詳情

我記得幾多就盡量講啦，

愷晴嗰晚戴咗頂紅色冷帽，

好似係著咗件杏色褸，

佢知我食嘢呢方面好求其

揀咗餐廳之後send畀我，

間嘢喺銅鑼灣

我覺得ok就去啦咁，

食完之後見時間尚早就行咗陣

希慎嗰陣仲未起，

都係行sogo呀皇室堡嗰啲

跟住就去咗維港睇燈

到依家我都唔明燈飾有幾靚

愷晴佢就話到依家都唔明點解我唔覺得靚

道不同不相為謀

不過嗰陣都有陪佢去

睇完燈跟住就搭巴士返屋企，

今次醒呀我哋有位坐，

到依家都記得搭緊巴士嘅途中

愷晴好自然挨咗落去我膊頭嗰度，

嗰陣係有啲緊張嘅，

因為我冇試過同佢咁近距離

不過又唔敢亂郁驚整到佢

就由佢一路喺度挨，

我覺得佢冇瞓到嘅，

因為feel到佢有好微妙嘅郁動

同埋見到佢笑

我哋一路維持呢個舉動直至落車，

之後就梗係送佢返屋企啦，

嗰陣我哋並排咁行

個距離係講緊我個膊頭會揩到佢個膊頭，

正當我諗緊佢今晚點解會咁主動嘅時候，

佢就無啦啦出聲

愷晴:「東仔」

我:「做咩呀」

愷晴:「哎呀你真係好蠢呀咁都唔知」

我:「我驚亂講嘢柒丫嘛」

愷晴:「嵐嵐真係冇講錯呀

我都已經咁樣你仲傻下傻下咁樣」

我:「又係佢」

愷晴:「錯重點呀

係都要人講出口」

我:「其實我都feel到嘅

今晚你咁主動」

愷晴:「咁你feel到又唔拖住佢隻手」

我:「我驚你會fing開丫嘛」

愷晴:「哎呀真係，

咁我而家走喇」

跟住我跟住追上去啦，

之後就捉住佢，

我:「咁依家o唔ok呀」

愷晴嗰陣冇講嘢淨係喺度笑

有啲怕醜咁講ok兩個字，

跟住就一路拖住佢兜咗個圈，

佢臨上樓嗰陣，

愷晴:「過嚟丫」

我:「做咩呀」

愷晴:「我哋而家身份唔同咗呀嘛，

拜拜梗係要攬下啦」

我:「好呀.」

大家唔使問我有冇食到波餅

第一咁凍，

第二大家著到咁厚，

邊有咩feel

講下題外話先，

最有feel嗰下咪就係頭先拖住手

講明先我完全冇諗咸濕嘢

唔知點解小弟不自覺硬起來

都維持咗一陣，

呢個就係最有feel嘅時刻

我真係冇諗衰嘢我都唔知點解會咁

唔知睇緊嘅巴打有冇同感，

分享完題外話講返正題先，

攬完之後唔知佢好開心，

笑笑口咁講，

愷晴:「拜拜喇我嘅男朋友」

我:「女朋友拜拜」

愷晴:「唔好覆我啦天氣咁凍你插袋取暖啦

返去你先搵我啦」

我:「體貼呀你真係」

愷晴:「梗係啦，

我返去沖涼先」

我:「好.」

係呀你哋冇睇錯，

咁就一齊咗㗎喇，

過程你話幾快呢

散咗之後我就WhatsApp嵐嵐

我第一個通知咗佢先，

我唔係曬命，

而係我覺得佢同我哋兩個咁熟

我唔好講愷晴，

淨係講我自己，

同佢咁多年朋友

自己有咁大變化，

冇理由唔同佢講下
咁樣好似唔尊重佢

我嗰陣就係抱住呢個心態，

所以就WhatsApp咗佢呢件事

佢條友都唔知有冇約人，

即刻就秒覆

嵐嵐:「恭喜呀

做人男朋友要醒醒定定呀

你終於突破自己」

我:「做咩」

嵐嵐:「第一次，

新一年嘅第一句唔係新年快樂」

我:「係喎新年快樂」

嵐嵐:「同佢講咗未呀」

我:「仆街好似真係未」

嵐嵐:「點搞呀你咁都唔記得

唔好畀佢知呀快啲講呀，

更加唔好話同我講咗先

做咗人男朋友就要醒少少呀」

我:「我成日覺得你好撚神

根本好多嘢都知咁

女人心我唔知，

不過我梗係聽你教誨」

嵐嵐:「咁就啱喇

恭喜你哋呀，

祝福你哋」