[校園][純愛]《身旁的那一個》: 第七十二章

最後，

miss畀我哋五個嘅task好順利咁完咗

個powerpoint做足晒miss嘅要求，

收到嘅嗰位同學亦都好滿意

當日揸住支咪起勢咁講，





咁就得啦係咪先

總算圓滿結束

之後就放聖誕假，

話說今年聖誕假成家人去旅行

冇記錯應該係去日本，





講明先我係自私撚

最唔鍾意就係買手信，

唔知你哋知唔知喇，

我個人最憎就係攞嘢拎嘢

好撚攰呀因為





我有時為咗自己唔攞嘢，

於是就唔買嘢

我個年代網購冇依家咁方便㗎嘛

除非嗰樣嘢好鍾意，

如果唔係都唔會買

咁你諗下我幾憎拎嘢，

所以我一早同我識嘅人講

我係唔會買手信





親朋戚友都冇情講，

好彩佢哋都識做

冇用關係撻我，

好朋友嚟嘅，

我記得好似玩咗四日三夜

去嘅目的主要都係食野，

冇乜買嘢返嚟





最豪都好似係買咗對黑色Addict返嚟著咗幾年

老母話佢肯幫手拎

所以好多故事都會出現買手信送畀女仔呢個環節，

唔好意思喇喺度就唔可以同各位分享

因為真係冇發生過.


跟住落嚟就可以講返我嘅嘢呢

講一個大家喺讀書時期都會有憧憬嘅議題，





就係拍拖喇

原本我想用初戀去描述，

不過唔係喎，

好多人覺得最後冇拍到拖都可以叫做係初戀

講明先呀我冇指桑罵槐

我咁友善點會咁做

講返正題先，

我第一次拍拖就係我中學階段





初戀又好拍拖都好

唔知大家點睇呢回事啦，

事過境遷

當今日回想返起嘅時候，

甜多抑或係苦多，

咁就因人而異

你問我嘅話，

我好難咁片面用一兩個形容詞，

就足以形容呢回事

係咪好甜，

老老實實我又唔覺得係

咁但係我又唔覺得咁就叫做苦

我唔係故弄玄虛，

而係真係有啲複雜，

一陣啦畀人話我串㗎啦

屌你有拖拍都苦

依家嘅我諗返起，

都好感恩中學時有呢段經歷出現

係真係教識咗我好多嘢，

原來有女朋友係咁嘅感覺

點樣同女朋友相處，

作為一個男朋友，

要點樣同個女仔一齊處理呢段關係

相處呢一環係兩個都要去面對，

大家都要學嘅嘢嚟

當然喺好多男仔嘅角度，

我呢段所謂嘅初戀就梗係失敗啦

第一冇扑嘢，

第二連kiss都未試過

可能你哋心諗咁都係女朋友

我可以答你係呀，

大家都承認咗呢段關係

只係相處嘅形式又或者活動，

同普遍情侶有啲唔同，

對於我冇同初戀做以上所講嘅兩回事

問心講句從來都冇後悔

依家諗返起好彩冇咋，

可能因為咁先至keep到呢段關係

都唔怕劇透，

我哋分咗手好耐㗎喇

拍嘅時間都唔長，

好奇怪就係，

分咗手之後用返另一個身份同佢相處

反而可以維繫得更加耐更加穩，

咁都無悔啦，

唔係每一段關係又或者某一個人，

會一直陪到你終老

唔好講到終老咁誇張，

用一個年期我當十年咁喇，

都唔係一件容易嘅事，

十年人事幾番新，

呢句說話係冇錯

經歷過就明白，

所以我可以同初戀維繫到依家

大家做返朋友有咩事互相照應，

我真係覺得好滿足，

我唔係聖人我都咸濕

邊有貓唔食魚

之但係如果當初我食咗嘅話，

今日就可能冇咗呢個朋友

咁我寧願唔食啦

呢段說話我冇同佢講呀，

你知啦，

男人就係咁麻煩，

好多嘢當面講唔出口，

隔住個平台對住一班唔識嘅人，

反而可以暢所欲言。