[校園][純愛]《身旁的那一個》: 第五十七章

大家可以放心

我唔會喺度描述晒所有參賽者

大家知我幾多廢話㗎啦

係咁嘅話應該會多十幾廿章，

實畀你哋負皮死





我會跳住嚟分享㗎喇

話說之前我喺度係咁講籃球佬

咁我點都要喺度講多少少啦係咪先

如果唔係之前我就唔會花咁多篇幅喺佢身上啦

我記得嗰陣佢出場次序好似係比較後，





我嗰陣就越講越high

當咗平時present咁樣

我都feel到我隔離嘅嵐嵐冇咗開頭嘅緊張，

大家好似傾計咁

玩得好過癮





至於台下嗰啲人咩感覺

我冇理到

呢方面真係唔好意思，

我成日覺得如果每事都照顧左人先而忽略自己的話，

我好難喺過程中獲得快樂

當然啦大前提我做緊嗰啲嘢唔係違規啦

咁我上去鳩噏

最多咪畀人話我做得唔好，





至衰都係缺點嘅啫我估

未至於被人拉掛，

係咁嘅話點解唔選擇過癮

自己想點玩就點玩

呢樣先係樂在其中關鍵，

所以我真係冇理到台下啲人咩反應

完全係享受緊呢件事





就算反應好差，

我只要覺得好玩，

咁呢件事對我嚟講就圓滿㗎喇

我承認我不嬲都係一個好自私嘅人

咁但係自己都唔照顧自己，

仲有邊個會照顧你呢

呢個就係我個心態喇，

唔係話想扮老屎忽





純粹分享下自己當時嗰個感覺啫，

講返正題先，

當一個參賽者完成表演之後，

我哋就會出返嚟㗎

我:「頭先真係相當精彩呀

睇到我呢個司儀都屁滾尿流」

嵐嵐:「嘩你都好激動好感慨喎」





我:「係呀

啟發到我個腦不斷咁樣思考」

嵐嵐:「請問東哥諗到啲咩呢」

我:「我想問下你一樣嘢

原本我想捉個觀眾上嚟問嘅

不過費事喇，

始終唔方便呀驚阻大家時間」

嵐嵐:「東哥原來你都會驚呢樣㗎」

我頂你丫爆肚

條友真係想陰我

好彩你精我都唔笨

我:「梗係啦我要照顧大家需要㗎嘛」

嵐嵐:「咁請問你想問咩呢」

我:「我想問呢

你有冇啲野係會一直keep住㗎」

嵐嵐:「er

無啦啦咁樣問好難答喎」

我:「我知你會有嘅

我相信在場嘅人都有㗎啦

你睇下大家都點頭就知啦」

嵐嵐:「好犀利喎咁你都見到佢哋點頭

有嘅，

其實我啲嘢都想一路keep住嘅

好似人啦、事物啦咁樣囉，

一啲永遠都冇得取代嘅嘢

我都想keep住」

我心諗你條友勁喎

咁樣即場玩你都答到咁多嘢

講明先呢段我同佢係冇夾過

我:「有冇得分享多啲呀」

嵐嵐:「聽我分享不如聽跟住落嚟個表演者分享啦

有請Oliver為我哋表演佢嘅參賽歌曲永久保存」

我:「佢的眼中只有你」

嵐嵐:「依家聽你唱定係聽佢唱呀

交個台俾人啦」


我哋返到後台

我:「勁喎你咁你都諗到，

仲諗住玩你添」

嵐嵐:「同你做咗呢幾個鐘呀知你咩料啦

排嗰啲嘢全部都唔同嘅，

即場全部改晒」

我:「live show係要咁先好玩」

嵐嵐:「好彩我冇發夢咋如果唔係真係畀你玩死

乜鬼嘢佢的眼中只有你」

我:「明明你爆肚先嘅」

嵐嵐:「我爆少少你爆咗一段呀」

我:「聽歌啦唔阻你」

嵐嵐:「其實我唔係好鍾意呢首哈哈哈

不過算啦都叫做係佢啲歌，

都要聽下」

我循例講下籃球佬唱成點啦，

我第一下聽就覺得佢真係好緊張

早段把聲唔係好穩

入到副歌，

「在患難亦撐我的你」嗰句用假音有啲走音

我就咁聽就覺得有幾個唱得好過佢

講真啦佢咁樣改歌明眼人都知佢想畀邊個聽，

好可惜嗰個人而家同我一齊喺後台

籃球佬見唔到佢

當佢出完之後我哋又出嚟啦，

就介紹其他參賽者

之後再過咗個零鐘

終於去到最後一位參賽者，

我都以為可以完㗎啦，

可以返屋企打機上網

之不過世事又點會咁肯定，

去到最尾又有啲嘢發生

我:「好喇終於都完啦

今日所有表演者都表演完成，

大家都好勁唔知點畀分

咁多位老師嘅辛苦晒你哋啦」

嵐嵐:「最辛苦梗係你啦東哥

你睇下我哋原本寫咗12點完，

單憑一己之力依家去到12點9」

我:「唔好咁講大家都有功勞啦係咪先」

嵐嵐:「你有冇諗過唱返兩嘴呀

頭先見你一路介紹一路唱」

我:「你真係太抬舉我啦嵐姐

喺呢班咁優秀表演者面前我點敢唱呢」

嵐嵐:「咁梗係做正經嘢先

頒獎緊要啲啦，

好啦我哋有請Miss Cheung為我哋揭曉賽果」

Miss Cheung即係我哋班主任

順道一提，

最後籃球佬三甲不入

之後呢我哋就請咗冠亞季上嚟

叫做有個頒獎儀式

咁我跟住諗住走啦係咪先

跟住Miss Cheung就拎起支咪

喺度同大家講，

Miss Cheung:「多謝咁多位同學來臨

亦都好多謝所有表演者咁落力表演，

為我哋帶來好精彩嘅演出」

跟住我哋呢啲做學生嘅梗係要拍手掌啦

Miss Cheung:「最後梗係多謝兩位司儀啦

兩位都冇乜經驗不過今日都處理得好好

特別係嵐嵐成日要應付咁多突發情節

大家畀啲掌聲兩位」

跟住又係一片拍掌聲，

Miss Cheung:「好啦

我見東仔你都意猶未盡，

有冇諗住唱歌呀

你都試下唱返首囉」

我:「唔好啦我怕醜」

Miss Cheung:「唔係喎頭先喺個枱上面唱咁多首

依家先話怕醜」

我:「唔係咁好意思嘅費事阻住大家放學啦」

嵐嵐:「人哋冇講你都知」

Miss Cheung:「台下嘅學生點樣呀

想走定係聽人唱歌呀」

跟住班仆街真係叫唱歌

Miss Cheung:「你聽到觀眾嘅要求啦

你唔喺度交低啲呢你今日唔使走呀」

成件事好撚瘋狂

痴撚線去到最後到我唱歌.