[校園][純愛]《身旁的那一個》: 第五十六章
我:「大家好
我係你哋今日嘅主持，
循例都要介紹下自己啦，
我叫做東仔
」嵐嵐:「大家好我係嵐嵐
」台下啲人就喺度起哄，
之後我梗係睇返同自己熟嗰啲人
海狗面目猙獰
笑得極衰
不提也罷
跟住亦都見到愷晴拍住Teresa同埋Betty
佢都有微笑點頭同埋做手勢叫我加油
即係依家嗰個手瓜emoji呢
我:「我知啦你班友一定唔抵得
我呢個咁嘅人都可以企喺女神隔離
係咁㗎啦依家係咪唔得呀
」樓下又起哄，
跟住無啦啦聽到有個人好大聲講:「收皮啦東仔
你死好命咋
」聽把聲就知係賓仔
我喺台都聽到嘅話，
樓下班老師好自然都會聽到，
所以最後畀人捉咗出嚟罰企
抵死
做做下我先發覺原來做司儀咁撚爽
所以好快就入咗局
嵐嵐:「大家唔好聽我隔離嗰個人亂講
我絕對唔係咩女神，
跟住落嚟表演嗰個先至係女神
」我:「咁又係呀嗰位女仔人靚聲甜
你哋一定大把耳福
Rehearsal嗰陣聽到我肅然起敬
你哋陣間聽完就知我唔係吹水
」我爭啲講錯嘢，
我原本想講聽到我細佬肅然起敬，
屌平時講得多呀
我都唔想，
好彩救得返
嵐嵐:「好啦我哋嘅司儀麻煩你請移玉步
畀返個台第一位參賽者表演啦，
有請4a班嘅XXX表演佢揀嘅歌曲『就算世界無童話』
」跟住我同嵐嵐就走咗
返到後台嗰陣，
嵐嵐:「搞錯呀你爆肚
明明原本都冇呢啲嘢嘅
」我:「唔好意思呀唔好意思講多咗
」嵐嵐:「我頭先勁想笑囉
乜嘢肅然起敬
」我:「望住我咪唔笑囉
」嵐嵐:「你都痴線，
望住你笑得仲勁
」我:「其實你想笑鳩我樣衰呢
直接啲係冇問題嘅
唔使兜咁大個圈.」
嵐嵐:「唔係呀你幾靚仔呀
」跟住佢又單眼
嵐嵐:「係咪
」我:「我夠膽講你呢個樣行出去
一定會電死出面班狗公
」嵐嵐:「你都傻傻哋
我個個都單眼嘅咩
」我唔知睇緊嘅你哋知唔知
有啲人單眼呢好撚似痙攣
戚下戚下抽筋咁樣都唔知做乜
就算嗰個本身係靚女靚仔都好，
都唔係全部都單眼得好睇
嵐嵐嗰隻係好睇又自然
我好少讚佢，
我有一次都忍唔住當面話佢好睇
條友仔唔使問梗係鬆毛鬆翼.
當然啦，
唱歌呢啲表現其實好快嘅啫
三四分鐘之後我同嵐嵐就會上返台，
做一個好輕微嘅回顧再介紹跟住落嚟嘅表演
我:「係咪呢係咪好好聽呢
XXX相貌標緻唱歌好聽
評判呀，
都唔知點畀分
」嵐嵐:「東哥
評判咪就係咁樣畀分囉
佢哋覺得好就高分，
覺得冇咁好就冇咁高分
點解會唔知呢
」我:「嵐嵐你真係有道理啫
咁都畀你諗到呀
」嵐嵐:「好啦東哥講返下一位參賽者啦
如果唔係我哋就overrun㗎喇
」我:「係嘅係嘅，
下一位參賽者好犀利嘅又係
」嵐嵐:「點犀利法呀
」我:「自彈自唱呀，
由於我覺得表演者對於自己選擇表演嘅歌曲
一定有佢自己嘅見地，
如果唔係就唔會揀呢首啦
我亦都知，
表演嘅時間唔係好多
佢哋亦都要調整自己心態，
專注返表演嗰度，
好難同各位闡述返佢哋選擇嘅原因
」跟住我見到嵐嵐已經忍唔住想笑
嵐嵐:「咁即係點呢
唔通你知道跟住落嚟嗰位同學
背後揀歌嘅故事
」我:「你唔好話我真係知呀
因為我比賽前有問過佢
多得我哋班嘅班主任Miss Cheung賞識，
揀咗我呢個咁嘅學生做司儀
日後都唔知有冇第二次機會㗎喇
咁難得嘅機會，
我當然會認真啲去看待今次呢個比賽啦
」嵐嵐:「咁多位同學你睇下我身邊呢一位主持
就知佢今次真係好認真好認真去準備
你見佢講咗咁多嘢，
都仲未講到原因
就知道佢呢個引入好犀利啦
」我:「唔好意思我依家講㗎喇
跟住落嚟呢位參賽者，
本身呢就好鍾意寵物嘅
又貓又狗，
寧願做寵物都唔做情人喎
因為呢個原因之後呢所以佢哋揀咗呢首歌啦
」嵐嵐:「咁好啦，
我哋依家即刻請我哋第二位參賽者XXX
為我哋表演『愛與誠』.」
音樂一起，
我同嵐嵐就要返後台
嵐嵐:「好煩呀講咁多嘢
忍笑忍得好辛苦呀痴線佬
」我:「唔好意思呀講多咗哈哈哈哈哈哈
」嵐嵐:「收聲呀痴線
我真係驚忍唔住係咁笑，
我啱啱爭啲忍唔住
」我:「忍唔住咪唔好忍囉
」嵐嵐:「點得呀大佬
我唔係你呀我真係做唔到
話時話你諗住個個表演之前都講咁多嘢呀
」我:「係呀你又知嘅
」嵐嵐:「痴線一定會overrun
」我:「你趕唔趕時間丫
」嵐嵐:「唔趕嘅做咩
」我:「你話趕嘅我即刻唔玩嘢
費事阻住你
」嵐嵐:「冇乜嘢做呀，
陣間走都係同佢哋食飯
你隨便玩囉我見你好enjoy
」我:「你話唔趕就得啦
唔好畀出面啲人知
我淨係就你
既然你話唔趕咁我一定會overrun，
玩死班仆街
」嵐嵐:「好賤呀
根本就攬炒
」我:「嘩條仆街唱得好難聽
呢個真係唔得喎
」嵐嵐:「你點諗到頭先嗰啲原因
我肯定你唔係問佢
」我:「你真係醒嘅啫
我作㗎咋
」嵐嵐:「痴線
你唔驚佢聽到㗎咩
」我:「佢咁緊張仲要記住彈琴又要兼顧唱歌
點會聽到我講乜
」嵐嵐:「我心諗你條友，
rehearsal嗰幾日除咗去廁所
你就喺我隔離冇走過，
我都唔知你幾時問佢
」我:「唔鳩噏邊度有時間拖
」