[校園][純愛]《身旁的那一個》: 第四十三章

嗰晚嘅內容大致上都講到七七八八

返到嚟食飯跟住就返屋企喇，

都冇特別話去邊度

始終嗰陣都夜

所以我都主動話送佢返屋企，





嵐嵐:「幾時咁型呀」

我:「日日都咁型」

嵐嵐:「唔係喎你攰嘅話可以返屋企先喎

唔會有危險嘅」

我:「唔得





就算我再戇鳩，

同女仔出夜街返到嚟我都會送佢返去先

何況我係一個gentleman

好基本啫」

嵐嵐:「點算呀你咁gentleman





真係好吸引呀」

我:「好撚假」

嵐嵐:「唔係咁假我點講到出口」

我:「不過算啦你咁講我就咁聽

好嘢嚟嘅」

嵐嵐:「係啦仲有呀，

愷晴下個禮拜應該會搵你㗎喇

記住呀你要咋唔知





如果唔係以後唔爆料畀你聽」

我:「你真係知我心意嘅啫

我最鍾意聽呢啲嘢」

嵐嵐:「知你八卦啦無聊人

放心我唔會阻住你嘅」

有啲嘢我嗰刻冇同佢講

其實我係想佢嚟埋一齊玩多啲





當時嘅我又諗唔到點解釋，

純粹想佢喺度一齊玩

唔止我同愷晴兩個

不過我見佢講咗幾次都話唔會嚟就算啦

我都講過喇我好少逼人

亦都知佢唔鍾意畀人逼

所以就算啦，

去到佢屋企門口





嵐嵐:「巫澤軒，

今日多謝你玩得好開心」

我:「嘩

我唔慣你咁認真講嘢喎」

嵐嵐:「冇嘢啦破壞氣氛

不過玩得好過癮

真心多謝你嘅」





我:「咁我都係玩得好爽

好啦拜拜」

嵐嵐:「拜拜

係呀仲有呀」

我:「乜鳩」

嵐嵐:「auntie上次嗰啲乾瑤柱好食

媽咪家姐daddy都係咁講

不過叫佢唔好再畀我啦，

我真係唔好意思」

我:「好啦我幫你同佢講

不過你預咗佢會再畀你」

嵐嵐:「好多謝auntie對我咁好

不過真係唔好意思㗎」

我:「好啦到時先算.」


返到去我梗係將呢件事同我老母講，

老母:「傻女嚟嘅使乜唔好意思

佢鍾意就最好」

我:「停一停先啦

唔使係咁買畀人嚇親人」

老母:「咁呀，

咁就唔好啦

咁人哋上次買咗蛋糕畀我，

我梗係要識做」

我:「下次你買之前問咗我先

我再問佢，

咁就得啦」

老母:「好啦.」

我真係驚佢咁熱情會嚇親人

唔畀警惕老母真係唔得

好彩嘅係佢會聽嘅

咁就好易話為

唔知點解，

呢日對我嚟講印象好深

你見過可以講到咁多廢話就知

其實有啲嘢好明顯，

真係冇得呃人

你見我打出嚟嗰啲嘢，

越多廢話講得越耐嗰啲呢，

就代表越深刻

基本上一諗到一個情節，

就可以串連返呢段經歷出嚟

唔係嗰種逐件事逐件事咁記憶返起

所以有時唔好意思，

我都知我長氣㗎喇，

不過我真係唔係特登拖

純粹係難得可以同咁多位分享，

就盡量講得更加詳細，

畢竟好多嘢都已經係歷史

呢世人唔會再經歷多一次，

正如我依家都唔會再玩公仔啦，

唔會好似以前咁低b同佢哋傾計

之但係佢哋全部都仲喺我張床嗰度，

包括佢送畀我嘅嗰隻企鵝，

而我都想自己日後回味嗰陣可以睇到更加多嘅內容，

真係多謝咁多位嘅包容，

唔係講呢啲嘅時候，

講返正題先

接住嗰個禮拜，

愷晴真係喺msn問我嚟緊個weekend去唔去迪士尼

跟住我就約咗佢朝早

咁佢都話ok，

之後返學嵐嵐同我講佢都知道呢件事

睇嚟愷晴同佢真係乜都講

問心我嗰陣就真係唔係好緊張，

雖然同佢第一次單獨出街

不過又唔覺得係咩一回事

可能係因為始終我對迪士尼冇乜特別感覺

你話我衰格都係咁講㗎啦，

有靚女約我去玩唔通唔去咩

我嗰陣就係呢個心態囉，

不過我記得去之前嗰日，

嵐嵐畀咗樣嘢畀我

係咩呢就下回分解.