我嘅初戀: 好高興認識你

「... Hello，我叫Michelle啊。」同佢講完自己個名之後，我即刻諗，乜我有swipe到呢個男仔咩？完全冇印象喔... 可能又係手多多，本身想揀下一個，但唔覺意swipe左另外一邊。算啦，傾住先，應該好快就唔會再傾㗎啦，因為自己都諗唔到可以傾啲咩話題。

「睇你啲相，你係咪好鍾意小朋友架？見你同小朋友玩嘅果張相，你笑得好甜喔」佢即刻秒覆我，應該佢好得閒，好無聊咁搵人吹水。因為Oxx要將自己嘅相放上去做驗證，所以我都放左幾張自己覺得幾好睇嘅相上去，其中一張相係放左我好開心咁同一班小朋友一齊玩嘅相，張相嘅我都真係笑得幾甜同幾開心。

我再望下佢將相，發現佢第一張相係著住套好型嘅衫，個頭唔知咩事 一個大中分，對手插褲袋，好有自信感望住鏡頭做個chock樣，後面背景係雪地。再掃多幾張相，其中一張係佢同兩個外國女人合照，佢企係中間，兩隻手都分別攬住其餘兩個女仔嘅腰（兩個女仔都係好有肉地嘅黑人）。睇到啲相，我就估計佢應該係外國讀書，於是覆左佢條問題，然後再答佢：「係啊，我好鍾意小朋友架，同佢哋一齊玩，我覺得好enjoy，因為佢哋好天真。係呢？你係外國留過學？」

佢冇覆到我嘅回覆，只係專注係佢自己條問題到，再同我介紹佢自己：「係啊，我高中果陣去過多倫多讀書，因為疫情，我上年先翻香港讀大學，依家係Shitty U到讀緊書啊，你呢？」Oh，原來佢真係係外國讀過書，咁佢應該都係幾social嘅人黎，如果係以前嘅我，我應該會問佢係高中玩開啲咩，但依家嘅我，好怕遇到太sociable嘅人，於是都唔打算再繼續同佢講咁多，只係覆左佢我自己依家係邊度讀緊書就算。

佢之後覆我：「嗯，睇得出Michelle你應該係一個好有愛心嘅人，我平時都會做下義工㗎，我有去捐血。」然後佢send左張相俾我，係藍十字會嘅捐血證書(?)，每捐夠唔知幾多次，就會比張cert你，證明你捐左好多次血。因為我好驚血，一直都唔敢捐，見到張cert果陣就覺得佢都幾有愛心：「哇！你捐左咁多次血，你都好有愛心喔！捐血係咪好痛㗎？我一次都唔敢捐啊T_T」。因為捐血，我地開始傾左好多個話題，發覺佢都真係似一個有愛心嘅人，於是我都想慢慢了解下佢。