《我同幾條女嘅瘋狂往事》: 11.6

「既然比你知道咗我嘅秘密，咁就自然唔會比你返去通風報信。」阿森蹲了下來，和我視線呈水平，平視過去，那張瘦削的臉近乎病態。「不如咁啦，等我拎曬啲錢遠走高飛，咪可以放你返去。你宜家要做嘅就係乖乖地合作，同我應付咗啲閒雜人等先。」阿森視線移到手上的電話。

我聽到一半，耳朵便再也聽不進去了。她這樣不擇手段的人，怎麼可能會放過我，等把錢順利騙到手，我只怕會被滅口。。第一次感到生命受到威脅，生理上的不適使我哽咽起來，嘴巴不住地發抖。

阿森見狀，表情自若，赫然大笑起來：

「哈哈哈......估唔到你都睇得幾透，好多人係呢個時候都會呃下自己，起碼可以暫時比自己好過啲呀，死到臨頭唔係個個都可以面對......」

趁她不留神之際，我絕望地一頭往前衝撞過去，尋找一絲存活下來的可能。



「砰！」一聲悶響。在我向前的剎那，阿森抬腿一膝狠狠擊中我的胸口。我吃痛蜷縮在地，喉嚨感到窒息，不停乾嘔。

「屌你老母！屌你老母！屌你老母！屌你老母！」她一邊連珠炮發，一邊用盡全身力氣往我頭上一腳一腳踹去，暫時發洩完後，稍微喘著氣，眼神在某個瞬間有種像瘋狗一樣的癲狂，緩緩嘲弄地笑道：「陰我？想死呀？冇咁易啊！」

儘管我奮力用雙手護住頭部，左眼和額頭等多處還是難以倖免。我謹慎地眯開右眼，第一眼看到的便是虎口上斑駁的血跡，然後是俯視獵物般恐怖的阿森。

再度蹲下來的她一邊拿著手提電話拍打我的臉，一邊問道：

「你知唔知，婷婷老竇係點死㗎？」



看我沒有反應，她便站起身來，再次晃動那小熊玩偶，在房間來回踱步：

「人如果係熟睡狀態之下，吸入大量煤氣就會導致一氧化碳中毒，以正常煤氣洩漏產生嘅一氧化碳嚟計，一個健全嘅成年人，最多十五分鐘就會係不知不覺中，好安詳咁死去。香港一年大概有七十宗因煤氣洩漏而造成嘅一氧化碳中毒個案，因為咁而意外死亡嘅人亦不在少數。」

她走到了房間另一端的盡頭，轉身看向我，面露陰險之色，奸笑道：

「呢種意外，你話可唔可以人為製造呀拿？」

我噤聲不語，憤怒卻又無助地看著她。



沒有想到，當初的猜測在斷定成為事實的時刻，當下遭殃的竟是自己。張婉婷父親的死便是這女人一手造成，只不過偽裝成了「意外」，而相同的手法竟然要故技重施在伯母身上，僅僅是為了錢......就可以做出這種草菅人命的勾當。

「你如果想好似佢死得咁舒服，就唔好再挑釁我，如果唔係，唔單止你會死得好難睇，你嘅屋企人、同學、所有重視嘅人，唔知邊日就會咁唔好彩屋企煤氣洩漏，一個唔覺「意外」身亡。」她沉吟片刻，嘴巴噘了噘，說：「或者都有其他「意外」死法嘅，不過就要再等我研究下喇。」

「你都係為咗錢啫，有冇必要殺人啊！」死亡的恐懼被怒意驅散，我大聲喝道。

「想係佢老竇呢種咁精明嘅人手上呃到錢，就的確係有啲難度。不過呢，做我地呢行，取易就不取難，整死咗佢之後，諗住對付啲女人就輕易得多喇，但誓估唔到個衰鬼陰魂不散，留低個同佢一樣咁精甩尾嘅女係度阻住地球轉。」

看著她一副理所當然的表情，我除了咬牙切齒和捏緊拳頭，什麼也做不了。

「我都唔想整到佢媽咪「意外死亡」㗎，不過我比過機會佢㗎喇，佢乖乖地過英國讀書，等我處理曬啲嘢，自然會「人間消失」，到時咪皆大歡喜，錢冇咗可以再搵，人冇咗就真係拜拜㗎喇，哈哈......」

阿森把手指上小熊玩偶的套環取出，將電話螢幕朝向我：

「你都唔想自己媽咪死得咁冤枉㗎何？」