《我同幾條女嘅瘋狂往事》: 11.4
她們結束了，而我的注意力也離開伯母臃腫的身軀。神志恢復理性，這時才發覺空氣中飄散著一股難聞的腥臭，各種人體分泌物的混合，無法躲避地不斷湧進鼻腔。
阿森眉宇之間掠過一絲不起眼的厭惡，但馬上又恢復了溫馨滿足的神情：
「遲啲等婷婷係英國果邊安頓好，我地再過去都未遲。」
伯母邊整理長裙，邊一臉憂心地說：
「之不過，婷婷佢好似唔係好想去果邊讀書。」
「人望高處，佢細個唔識諗啫。」阿森輕鬆說道：「佢讀書咁叻，到時一個唔覺意考到劍橋牛津，就算唔係果邊生活，返嚟香港仲唔係人上人，想做咩都得？」
「講得都啱，我遲啲再勸下佢。」
「人生大事嚟㗎，就算未可以即時就返到學，適應果邊生活都要時間，唔耽誤得㗎。」
伯母眉頭緊鎖，嘴上還是答應下來，然後手腳利索地把剛才的一片狼藉收拾起來，搖身又變回那個賢淑的家庭主婦。沒過多久，伯母從廁所出來，將洗乾淨的口塞、假陰莖等物，用毛巾細心印乾，儼如一個正安分操持家務的傳統女人。
她忽然想起什麼，抬頭問道：
「森呀，中介果邊話間屋搵到買家喇，我地幾時交屋？」
阿森臉上沒有變化，彷彿一切盡在計劃之內：
「唔急嘅，等婷婷過咗英國先都未遲。」
「呢個衰女硬頸你都唔係唔知㗎喇。」伯母的擔心寫在臉上。
「唔洗擔心嘅，都係時間問題啫，就算佢唔肯，細佬都要過去果邊讀書㗎，到時我地過曬去英國，佢自然會跟埋嚟㗎啦。」
「望就咁望喇。」
大戰過後的客廳很快恢復原貌，但時間已經七點。阿森推託說要準備今晚的神秘禮物，因此臉上微微泛紅的伯母便先自行離開了。
這整潔的空間騰出來，另一個女人毫不客氣地登場。
「哇屌，好臭啊。」女人摀著鼻子走下樓梯。
「你都唔好得好多咋。」阿森翹著腳坐在沙發上。
阿森雖然不以為意地開著玩笑，但女人臉上看得出來有點不樂意，可也沒有真正發作，只是做做樣子惱羞地拍了阿森兩下。兩人似乎有點不太搭調。
阿森點燃香煙：「睇錢份上，忍下先啦。」
「你唔係戒咗咩。」女人努著嘴關懷道。
阿森用力一吸，臉頰深深凹陷下去，吞雲吐霧間：
「差唔多可以食返㗎喇。」
女人看起來是意會到阿森話中的收網之意，但仍雙手交疊於胸前，忿忿不平：
「我睇你呀，根本冇打算郁手，又話去丹麥結婚，又話移民英國，遲啲係咪要兩個人一齊環遊世界啊。」
「我有我嘅打算，到時搞掂咗，就係我同你環遊世界。」
女人仍不買帳：
「你就叻啦，間屋又落你名，銀行又共用埋，都唔知到時會唔會飛甩我。」
阿森嘴角帶著一咧笑：
「你會唔會諗多咗，雖然你冇乜貢獻，但我點都唔會待薄我老婆仔嘅。」
「邊個係你老婆仔。」她把臉一撇，心裡的氣早消了，稍微等了一會，便認真提議：「遲啲套現埋間屋，再好似上次咁，開煤氣整......」
「噓——」阿森朝窗口瞧去：「因住隔牆有耳啊。」
「咁細膽㗎咩你。」女人噗嗤笑道，又捏了捏身旁阿森的耳垂。
「遲啲返屋企先再慢慢傾。」阿森不解風情地說：「你返去先啦，我都係時候要過去搵佢地啦。」
「你幾時返嚟搵我啊？」女人惺惺作態地問道。
「睇下禮拜日得唔得閒喇。」阿森手掌在鼻前扇了扇：「幫我拎一拎果樽擺咗係櫃桶嘅空氣清新劑過嚟，噴埋我地就走喇。」
阿森摸黑把女人遞來的空氣清新劑在客廳和門口噴了幾噴，便關門離開。
屋子只剩我一人，而我的眼前僅餘一片黑，宛如一片荒蕪，靜寂無聲。可是，我的腦子卻擠滿了無數思緒。我來回踱步，把所有線索、苗頭、推斷、猜測，全部大膽地組合起來，得出一個讓我感到不安的想法，胸口像被一塊大石沉沉壓住，透不過氣，大力呼吸，那股難聞的腥臭混合著空氣清新劑怪異的味道，一同湧進鼻腔，頭變得很重，暈乎乎的。我控制著幾乎失去平衡的身體打開門，新鮮空氣讓我稍微恢復神智。此時此刻，我只有一個想法——要快點把這一切告訴張婉婷。
突然，餘光一道黑影襲來，腦後傳來劇烈痛楚。恍惚間，我挨著身旁綿軟的物件順勢癱倒下去。一張臉從我肩後出現在我眼前，迷迷糊糊看到的是阿森鬼魅似的笑容。那咧開的嘴角，印在眼皮上，在一片混沌中若隱若現，揮之不去。